18.11.2024
(yangilandi 19.11.2024)
Farrux Zokirov va Sevara Nazarxon Rossiyada “Doʻstlik” ordeni bilan taqdirlandi
Muallif
Shohzamon Shuhratov
Rossiya prezidenti Vladimir Putin oʻzbekistonlik sanʼatkorlar Farrux Zokirov va Sevara Nazarxonni mukofotlash toʻgʻrisidagi farmonni imzoladi.
Mazkur farmon RFning rasmiy huquqiy hujjatlar eʼlon qilanidigan vebsaytga joylashtirilgan.
Ikki ijrochi “oʻzbek va rus madaniyatini yaqinlashtirish va boyitishga qoʻshgan hissasi uchun” “Doʻstlik” ordeni bilan taqdirlangan.
Maʼlumot oʻrnida, “Doʻstlik” ordeni 1994-yil bahorida taʼsis etilgan boʻlib, u Rossiya va chet el fuqarolariga xalqlar oʻrtasidagi doʻstlik va oʻzaro hamjihatlikni mustahkamlashdagi xizmatlari, fan va madaniyat sohasidagi yutuqlari uchun beriladi.
