Fly Khiva yuk aviakompaniyasi yoʻlovchilarni tashishni boshlaydi
Fly Khiva yuk tashuvlariga qoʻshimcha ravishda yoʻlovchi reyslarini yoʻlga qoʻyadi. Aviakompaniya ichki reyslarni amalga oshiradi, kelgusida esa xalqaro reyslarga chiqish rejalashtirilgan.
Fly Khiva aviakompaniyasi yuklarga qoʻshimcha ravishda yoʻlovchi reyslarini yoʻlga qoʻyadi, deyiladi aviatashuvchining Telegram kanalida eʼlon qilingan bayonotida.
Xabarda qayd etilishicha, shu hafta Toshkentda Fly Khiva yoʻlovchi aviakompaniyasi taqdimoti oʻtkazilishi rejalashtirilgan. Ilgari Fly Khiva yuk reyslarini amalga oshirishga qaratilgan edi.
Aviakompaniya ichki reyslarni amalga oshiradi, kelgusida esa xalqaro reyslarga chiqish rejalashtirilgan, ammo aynan qaysi davlatlarga borishi hozircha nomaʼlum.
Fly Khiva 2021-yilda Xiva shahrida fuqarolik, yuk va biznes aviatsiyasini rivojlantirish maqsadida tashkil etilgan. Shunday qilib, 2022-yil aprel oyida u “Ozarbayjon havo yoʻllari” (AZAL) bilan birgalikda Boku–Toshkent yoʻnalishi boʻyicha parvozlarni yoʻlga qoʻydi.
