iPhone 16 Pro poygasi: Toping.uz ikkinchi hafta gʻolibini aniqladi

iPhone 16 Pro uchun poyga qizgʻin davom etmoqda. Ayni paytda uch nafar favorit ishtirokchi mavjud. Ular 60 dan ortiq doʻstini saytga taklif qilgan.

Quyida kuchli beshlik bilan tanishishingiz mumkin:

1. Muhammadaziz (Andijon) — 1638 Topcoin; 77 nafar doʻstini taklif qilgan,
2. Shaukat (Qoʻngʻirot) — 1481 Topcoin; 73 nafar doʻstini taklif qilgan,
3. Aslan (Toshkent) — 1182 Topcoin; 65 nafar doʻstini taklif qilgan,
4. Ilyosbek (Xiva) — 779 Topcoin; 34 nafar doʻstini taklif qilgan,
5. Rahmatjon (Zarafshon) — 680 Topcoin; 30 nafar doʻstini taklif qilgan.

Eʼtiborli jihati shundaki, ushbu tanlov 8-noyabr kuni yakunlanadi. Biz esa ungacha ishtirokchilarni zeriktirib qoʻymaslik uchun har hafta sovrinli oʻyinlar oʻtkazib boramiz.

Joriy haftada boʻlib oʻtgan oʻyinda Xiaomi Sound Outdoor 30W portativ karnayini oʻynadik va 8-raqamli ishtirokchimiz Elmira ushbu sovgʻa egasiga aylandi.

Gʻolibning oʻzi oʻyin haqida nima deydi?

35 yoshli Elmira Toshkent shahrida istiqomat qiladi. U Toping.uz internet nashri oʻtkazayotgan oʻyinlarda faol ravishda qatnashib kelmoqda.

Elmira hozirda 28 nafar doʻstini taklif qilib, poyganing sakkizinchi oʻrnida bormoqda. U shu paytgacha koʻplab doʻstlarini saytga taklif qilib, ochko olganini aytdi.

Ushbu tanlov haqida Instagramʼda bilib qolgan va darhol qatnashish uchun saytda roʻyxatdan oʻtgan. U Toping.uz akkauntini anchadan beri kuzatishini maʼlum qildi.

Elmira iPhone yutib olish imkoniyati haqida doʻstlariga aytib berganda, ular bundan hayratga tushib, doʻstini qoʻllab-quvvatlash uchun harakat qilishganini taʼkidladi.

Toping.uz muharrirlari oʻyinning barcha ishtirokchilariga omad tilaydi. Biz sogʻlom raqobat tarafdorimiz! Kuningiz xayrli oʻtsin.