Konsert reklamalarida fonogramma darajasi koʻrsatiladi
Shavkat Mirziyoyev 11-mart kuni konsertlarda fonogrammadan foydalanishni tartibga soluvchi qonunga imzo chekdi, deya xabar bermoqda Adliya vazirligining “Huquqiy axborot” Telegram kanali.
Kino va seriallarni 7 kun bepul tomosha qiling
Hujjatda jonli ijro san’atini rivojlantirishda Madaniyat vazirligining vakolatlarini aniqlashtiruvchi qonun hujjatlariga o‘zgartirishlar kiritilgan. Xususan, konsert-tomosha tadbirlarida fonogrammalardan foydalanishning turli darajalari belgilanishi qayd etilgan.
Qonunchilikda qo‘shiq va boshqa musiqiy asarlarini ijro etishning quyidagi usullari nazarda tutiladi:
- jonli ijro;
- fonogrammadan qisman foydalanilgan holda;
- fonogrammadan foydalanilgan holda.
Fonogrammadan foydalanish darajasi haqidagi ma’lumotlar tadbir reklamasida ko‘rsatilishi kerak. Bu boʻyicha “Iste'molchilarning huquqlarini himoya qilish to‘g‘risida"gi va “Reklama to‘g‘risida"gi qonunlarga tegishli o‘zgartishlar kiritilmoqda.
Bundan tashqari, konsert dasturida barcha asarlarning ijrochilari va mualliflarini ko‘rsatish talab etiladi. Qonun rasmiy e’lon qilinganidan so‘ng darhol kuchga kiradi.
O‘xshash mavzular
