Nyu-Yorkda Timoti Shalamening “egizaklari” tanlovi boʻlib oʻtdi
Oʻnlab yoshlar Nyu-Yorkning Vashington-skver-parkida Timoti Shalamega oʻxshash koʻrinishdagi odamlar tanlovida qatnashish uchun toʻplanishdi. Tadbirga aktyorning oʻzi ham tashrif buyurdi.
50 nafar doʻstingizni taklif qiling va iPhone 16 Pro yutib oling
“Dyuna” filmi yulduzi beysbolka va qora niqob kiyib, sezdirmasdan ikki ishtirokchining yoniga bordi va kutilmaganda ular bilan suratga tushdi. Bu voqea katta shov-shuvga sabab boʻldi.
Nyu-York politsiyasi toʻplangan odamlarga nisbatan keskin chora koʻrib, ularning bir nechtasini hibsga oldi. 21 yoshli Maylz Mitchell gʻolib deb eʼlon qilindi. Sovrin jamgʻarmasi 50 dollarni tashkil etdi.
Shalame hozirda “Marti Suprim” nomli biografik film suratga olishida band. U, shuningdek, “Dyuna” trilogiyasining uchinchi qismida ham paydo boʻladi — “Messiya” filmining suratga olish ishlari 2025-yilning yozida boshlanadi.
