Абдуқодир Ҳусанов «Ман Сити» таркибида «Реал Мадрид»га қарши майдонга тушадими?
Ўзбекистонлик футболчи Абдуқодир Ҳусанов «Нюкасл»га қарши баҳсда илк бор «Манчестер Сити» сафида тўлиқ 90 дақиқа ҳаракатланиб, ишончли ўйин кўрсатди.
Ushbi mavsumda Sharm al-Shayxga
Унинг эртанги «Реал Мадрид»га қарши ўйинга тушиш-тушмаслиги ҳам муҳокамаларга сабаб бўлмоқда. Биз ChatGPT`дан бу ҳақда сўраб кўрдик.
Сунъий интеллект жавобига кўра, Ҳусановнинг «Реал Мадрид»га қарши 19 февраль кунги қарши ўйинда майдонга тушиши эҳтимоли бор. Яқинда у «Лейтон Ориент»га қарши ўйинда асосий таркибда майдонга тушиб, яхши натижа кўрсатган эди.
Шунингдек, «Манчестер Сити» бош мураббийи Хосеп Гвардиола Ҳусановнинг жамоага тез мослашганини ва унинг потенциалини юқори баҳолаганини таъкидлаган.
Бироқ баъзи нашрлар «Реал Мадрид»га қарши ўйинда Ҳусановнинг исми келтирилмаган тахминий таркибларни эълон қилган. Шу сабабли, унинг майдонга тушиши борасида аниқ хулоса қилиш қийин.
Чатбот, бундан ташқари, футболчининг «Ньюкасл»га қарши ўйиндаги иштирокини ҳам баҳолади. Унинг қайд этишича, Абдуқодир Ҳусановнинг матчга қарши ўйинини ижобий баҳолаш мумкин. У тўлиқ 90 дақиқа майдонда ҳаракат қилиб, ҳимоядаги вазифасини яхши бажарган.
Ҳусанов бирга-бир вазиятларда агрессив ўйнади, тўп билан аниқ муомала қилди ва жамоавий прессингда фаол иштирок этди.
Гвардиола ҳам унинг потенциалини юқори баҳолаб, айниқса тезлиги ва қарор қабул қилиш қобилиятини ривожлантириш зарурлигини таъкидлади. Бу ёш футболчи учун муҳим тажриба бўлди ва у «Манчестер Сити» сафида келажакда янада кўпроқ имкониятга эга бўлиши мумкин.
