Актриса Ойдин Юсупова ҳомиладорлигини маълум қилди
У севган инсонидан ҳомиладор эканини билдириб, бундан хурсанд эканини таъкидлаган. Актриса ҳозирда Россияда сериалда суратга тушмоқда.
Актриса Ойдин Юсупова ҳомиладорлигини маълум қилди. Бу ҳақда Instagramʼдаги storyʼда хабар берилди.
Юсупова ижобий ҳомиладорлик тестини кўрсатиб, севимли инсонидан эканини ёзган. Бу эса мухлисларнинг қизиқишига сабаб бўлган.
Ойдин Юсупова бир неча ойдан бери россиялик киноижодкорлар томонидан суратга олинаётган «Оила куни» деб номланган сериалда суратга тушмоқда.
Айнан шу сериалдан олинган тўй саҳнаси интернетда тарқалди. Шундан сўнг кузатувчилар актрисани тўйи билан табриклади. Аммо бу фақат сериалдан кадр экани айтилди.
Актриса отаси Шариф Юсуповнинг вафотидан сўнг 2016–2022 йиллар оралиғида фильмларда суратга тушмай қўйган. У турмушга чиқмаган, лекин севган инсони борлигини маълум қилган.
