05.11.2024
Аукционда «чиройли» авторақам қарийб 330 млн сўмга сотилди
Муаллиф
Шоҳзамон Шуҳратов
Жисмоний ва юридик шахслар томонидан бир кунда савдо платформаси орқали жами 4,07 млрд сўмлик авторақамлар харид қилинган.
Аукцион орқали сотувга қўйилган махсус авторақамлар орасида бир рақам тахминан 330 миллион сўмга сотилиб, куннинг энг қиммат савдоси бўлди.
Республика товар-хомашё биржаси матбуот хизмати хабарига кўра, шу куни avtoraqam.uzex.uz платформасида ўтказилган савдода умумий 4,07 миллиард сўмлик авторақамлар сотилган.
Бу савдоларда жисмоний ва юридик шахслар жами 971 дона автомобиль рақамларини харид қилишган ва битта битимнинг ўртача қиймати 4,2 миллион сўмни ташкил этган.
Савдода энг арзон авторақам 1,9 миллион сўмга, энг қиммат авторақам эса 329,6 миллион сўмга олинган.
