Аввал ва ҳозир: «Абдуллажон» фильми актёрлари 33 йилда қанчалик ўзгарди?
Режиссёр Зулфиқор Мусоқовнинг энг машҳур асари сифатида тилга олинадиган сериал 1991 йилда тасвирга олинган. Картина сценарийсини Рихсивой Муҳаммаджонов ёзган.
«Абдуллажон» фильми 1991 йилда режиссёр Зулфиқор Мусоқов томонидан суратга олинган. Биринчи ўзбек илмий фантастик фильмини кўплаб танқидчилар ўзбек киносидаги энг сара фильм ўлароқ баҳолайди.
Фильмда таниқли ижодкорлар: Шуҳрат Қаюмов, Ражаб Адашев, Тўти Юсупова, Тўйчи Орипов, Жавлон Ҳамроев ва Ҳожиакбар Нурматовлар роль ижро этган.
Toping.uz муҳаррирлари сериал актёрларининг 33 йил ичида қанчалик ўзгарганига қизиқди ва уларнинг аввалги ҳамда ҳозирги суратларини битта мақолага жамлади. Келгуси 10 дақиқа вақтингизни мароқли ўтказасиз, деган умиддамиз.
Шуҳрат Қаюмовнинг (Абдуллажон) «Illusion Pictures» номли ўз продюсерлик компанияси бор ва у 2003 йилдан буён хориж кинокомпаниялари билан ҳамкорликда фильмлар суратга олмоқда.
1964 йили Ражаб Адашев (Бозорбой) «Ўзбекфилм» киностудияси актёрига айланади, 1970 йили эса Островский номидаги Тошкент театр ва санъат институтининг актёрлик факультетини тамомлайди. Ўзининг актёрлик фаолияти давомида 60 дан зиёд фильмларда суратга тушган.
Тўти Юсупова (Холида) 2022 йилда Тошкент шаҳрида вафот этди. Қаҳрамонлари характерининг ижтимоий ва психологик жиҳатларини чуқур оча билиш, уларни руҳий гўзаллик ва ҳаётбахшлилик руҳи билан таъминлаш, образ моҳиятини муҳит билан узвийликда олиб бориш актриса ижодига хос.
Ўзбекистон халқ артисти, марҳум Тўйчи Орипов (Раис ота) 2015 йил 12 июнь куни 91 ёшида вафот этган. Унинг яратган образлари ҳаётий, ифода воситалари аниқ ва ишонарли бўлиб, қаҳрамонларининг ички дунёси, маънавий ҳолати ва ҳарактерини тўлиқ очишга интилади.
