Автобус йўлакларида бошқа транспортларнинг ҳаракатланиши устидан назорат кучайтирилди
2 йил олдин ҳукумат қабул қилган қарорга қўшимча киритилиб, жамоат транспортининг алоҳида тасмаси бор йўлидан бошқа транспорт воситалари ҳаракатланиши тақиқланди. Бундан тезкор ва махсус хизматларнинг машиналари мустасно. Қарор билан алоҳида йўлакдан ёндош ҳудудга кириб-чиқиш қоидалари ҳам қатъий белгиланган.
Toping iPhone 16 Proʼни ўйинга қўймоқда! Сизни ғолибга айлантирадиган ўйин қоидалари билан танишинг
Вазирлар Маҳкамасининг 2024 йил 10 октябрда қабул қилган тегишли қарори билан 2022 йил 12 апрелда қабул қилинган 172-сонли қарорга қўшимча киритилди.
Унга кўра, 172-сонли қарорга йўналишли транспорт воситалари учун алоҳида ажратилган тасмаси бор йўлдан йўналишли жамоат транспорт воситаларидан ташқари бошқа транспорт воситаларининг ҳаракатланишини тақиқлашга қаратилган 171 боб билан қўшилди.
Энди йўналишли транспорт воситалари учун алоҳида ажратилган тасмаси бор йўлдан йўналишли жамоат транспорт воситалари ҳаракатланиши мумкин ва бошқа транспорт воситалари ушбу йўлакда ҳаракатланиши тақиқланади. Бу қоида тезкор ва махсус хизматларнинг транспорт воситаларига нисбатан татбиқ этилмайди.
Бу йўлдан ҳаракатланиши тақиқланган транспортлар ён кўчаларга кириш ёки ундан чиқиш учун кириш-чиқиш жойидан 50 метр масофада узуқ-узуқ чизиқли жойгача ёхуд яқин масофадаги узуқ-узуқ чизиқли жойгача ушбу йўлдан ҳаракатланиши мумкин.
Бунда транспорт воситаси мазкур йўлакда ҳаракатланиб келаётган йўналишли транспорт воситаси ҳаракатига тўсқинлик қилмаслиги ва унга йўл бергандан сўнг ёндош ҳудудга кириш ёки чиқиш ҳаракатини амалга оширишга рухсат этилган.
Амалдаги қонунчиликка кўра, ҳайдовчиларнинг транспорт воситаларини пиёдалар йўлкаларидан юргизиши, йўл белгилари ва йўл ҳаракатининг бошқа қоидалари талабларига риоя этмаслиги Маъмурий жавобгарлик тўғрисидаги кодекснинг 128-моддаси билан БҲМнинг иккидан бир қисми, яъни 187 500 сўм миқдорида жаримага тортилади.
