Ҳар бир аёл ўқиши керак бўлган психологик китоблар

“Ўзингга меҳр ила. Ўзини қадрлаш ва асраш ҳақида китоб” – Олга Примаченко

Ушбу китобда беларуслик журналист ва ёзувчи ўзининг шахсий тажрибаси ҳақида гапиради: қийин ажралиш, ишдан маҳрум бўлиш ва ўзига ишонч. Муаллиф сиз билан дугона сифатида, тушунарли ва ишончли тилда гаплашиши билан ажралиб туради. Агар сиз болалигингиздан ташқи қиёфангиздан уялиб, шахсий ҳаётингиздаги муаммолар учун ўзингизни айбласангиз ва ички танқид ҳужумларидан қийналсангиз, унда бу китобга аниқ баҳо беринг. Ахир унда ўзига қайтиш ва ўз қадр-қимматини оширишга ёрдам берадиган ритуаллар мавжуд.

“Тана ҳамма нарсани эслайди” – Бессел ван дер Колл 

Таниқли психиатр ва 30 йиллик тажрибага эга мутахассиснинг китобида бошдан кечирилган травмалар ҳақиқий дунёни идрок этишимизга, тўлақонли ҳаёт кечиришимизга, бошқа одамларга ва ўз ҳис-туйғуларимизга ишонишга, хурсанд бўлишга ва яқинликка очиқ бўлишга қандай тўсқинлик қилиши ҳақида ҳикоя қилинади. Мия, иммунитет ва гормонал тизимни ўрганишга асосланиб, ёзувчи травма ва физиология ўртасидаги боғлиқликни кўради. Кейин эса даволашнинг таъсирчан усулларини таклиф қилади.

“Соғайиш сари биринчи қадам – ичингизда содир бўлаётган нарсаларни ҳис қилиш, аташ ва топишни ўрганишдир”, – деб ёзади ван дер Колк.

“Аёл психологияси” – Карен Хорни

Ушбу китоб тўпламда психоанализчи Карен Хорни психоанализнинг отаси Фрейд билан кўринмас баҳсга киришиб, аёл психологияси бўйича ўз назариясини яратади. У психоанализ эркаклар томонидан ихтиро қилингани, шунинг учун у универсал эмаслигини таъкидлайди.

Сиз мақолаларни бошидан ёки охиридан, ҳатто тасодифий тартибда ўқишингиз мумкин (шунчаки ҳозир сизга тегишли бўлган мавзуни топинг). Уларнинг кўпи она билан мулоқот, эркак ва аёл ўртасидаги муносабатлар, яширин мотивлар ва истакларни ўз ичига олади.

“Жуда қаттиқ севувчи аёллар” – Роберт Норвуд

Америкалик психологнинг китоби ўзаро боғлиқ муносабатлар ва фидокорона муҳаббатга бағишланган. Тираж бир неча миллион нусхалик чегарадан ўтган, шунингдек, ижтимоий тармоқларда кўплаб ижобий шарҳларни тўплаган. Китобнинг муваффақияти сири оддий: Норвуд носоғлом муносабатлар модели ҳақида жуда тушунарли тарзда ҳикоя қилади. Уни кўпчилик токциклиги, манипуляцияси ва қарамлиги билан “қутқарув доираси” сифатида қабул қиади.

“Ёниш. Стрессдан халос бўлишнинг янги ёндашуви” – Эмили ва Амелия Нагоски

Ушбу китобни икки опа-сингил кўплаб аёллар бошдан кечирадиган “ёниш” ва стресс табиатини очиб бериш учун ёзган. Нашрда муаллифлар стрессли вазиятларга олиб келадиган стереотиплардан воз кечишади. Мураккаб атамаларсиз, жонли тил ва аёлларнинг ноёб ҳикояларини ўз ичига оладиган мазкур китобда стресснинг табиатини очиб беришнинг энг яхши усули акс этган.

Китоб ташвишлар юкини ташлашга ва айбдорлик ҳиссидан халос бўлишга ёрдам беради.

“Эмоциялар – бу туннеллар. Сиз улардан ўтишингиз керак, чунки ҳар бирининг охирида ёруғлик бор”, – деб таъкидлайди опа-сингил Нагоски.

“Севаман ва тушунаман” – Михаил Лабковский

Китобда россиялик психолог соғлом психика ва шахсий чегараларга эга бўлган инсонни қандай тарбиялаш сирлари билан ўртоқлашади, аммо бу нафақат ота-оналар учун фойдали бўлади. Унда болалик мавзулари ва ҳаётимиз давомида ўзимиз билан олиб юрадиган ўтмиш ҳикоялари кўтарилади. Шунингдек, у хавотирни, ўзидан доимий норозиликни қандай енгиш ва шунчаки бироз бахтли бўлиш каби долзарб саволга жавоб беради.

“Бу сен билан бошланмаган” – Марк Уоллин

Бу сендан бошланмаган. Оиламиздаги салбий сценарийларни қандай ўрганамиз ва уларнинг таъсирини қандай тўхтатамиз китобида Уоллин авлод травмаси ҳақида гапиради. Психолог бизнинг бувиларимиздан оналаримизгача бўлган қўрқувлар ва ҳатто реакциялар бизга қандай ўтишини тушунтиради. Буларнинг барчаси жуда қизиқ, чунки бу маълумот том маънода дунёни остин-устун қилади ва ўзингизга бошқа томондан қарашга мажбур қилади.

“Севгининг бешта тили” – Гери Чапмен

Китоб нафақат эр-хотинлар учун, балки оилавий ҳаётга эндигина тайёрланаётганлар учун ҳам долзарб бўлади. Унда психолог ҳар биримиз севгини ўзимизча тасаввур қилишимиз ҳақидаги ҳақиқатни кўриб чиқади. Кимдир учун бу қимматбаҳо совғалар, кимдир учун яхши сўзлар ва эътибор, кимдир учун эса тактил ҳислардир. Ва бу нашр шеригингизнинг “муҳаббат тилини” олдиндан тушунишга ва мустаҳкам муносабатларни қуришга ёрдам беради.

“Ресурсдаги она” – Карелла Исваран

Барча безовта оналар муносиб баҳолайдиган китоб. Ёзувчи идеал бўлишга бўлган доимий истакдан халос бўлиш ва оналикдан завқланишни ўрганиш бўйича ўзининг синалган ва самарали усуллари билан ўртоқлашади, чунки бу дунёдаги энг бахтли “иш”дир.

“Ҳаёт денгизга ўхшайди: баъзан унинг тўлқинлари баланд кўтарилади, баъзан у силлиқ ва сокин бўлади. Шахсан бизга ҳеч қандай алоқаси йўқ – биз тўлқинга таъсир қила олмаймиз, лекин у қанчалик баланд кўтарилишини қабул қилишимиз мумкин”, – деб таъкидлайди муаллиф.

“Кўпроқ севинг, камроқ жанжаллашинг” – Жина Сенариги

Никоҳингиз ёки муносабатларингиз қанчалик мукаммал бўлмасин, низо ва жанжалларсиз иш битмайди. Воқеалар ривожини олдиндан билиш ва жанжални ҳар икки томон учун оғриқли травма эмас, фойдали тажрибага айлантириш учун бу китобни ўқиб чиқиш лозм. Иккинчи ярмингиз сизга раҳмат айтади.