«Дюна»нинг учинчи қисмини суратга олиш ишлари июнь ойида бошланиши мумкин
«Дюна: Масиҳ» фильмини ишлаб чиқариш 2025 йилнинг июнь ойида бошланади. Бу маълумотни Deadline нашрининг журналисти Баз Бамбигбой тарқатди.
Ushbi mavsumda Sharm al-Shayxga
Warner Bros. студияси бу миш-мишларга ҳеч қандай изоҳ бермади. Фильмнинг аниқ санаси ҳамон номаълигича қолмоқда. «Масиҳ» фильмининг режиссёрлик лавозимига Дени Вильнёв қайтади — бу триквел унинг бошчилигида суратга олинадиган франшизанинг сўнгги фильми бўлади.
«Масиҳ» воқеалари иккинчи қисмдан 12 йил ўтгач содир бўлиб, Пол Атрейдеснинг ҳукмронлиги ҳақида ҳикоя қилади. Асар Франк Гербертнинг шу номдаги романига асосланади. Фильмда Тимоти Шаламе, Зендея, Флоренс Пью, Аня Тейлор-Жой ва бошқалар ўз ролларига қайтишлари кутилмоқда.
Биринчи «Дюна» 2021 йилда экранларга чиқди; унинг давоми 2024 йилда намойиш этилди. Иккала фильм ҳам жаҳон кинотеатрларида жами 1,1 миллиард доллар даромад келтирди. Кузда HBO телеканалида «Дюна: Башорат» приквел сериали эфирга узатила бошлади. Шоу аллақачон иккинчи мавсумга узайтирилган.
