Дзюдочи Умар Бозоров «Катта дубулға» турнири ғолиби бўлди
Тбилисида бўлиб ўтган дзюдо бўйича «Катта дубулға» турнири ўзбекистонлик спортчи Умар Бозоров олтин медални қўлга киритди. У финалда франциялик рақибидан устун келган. Ўзбекистон ушбу мусобақани 1 та олтин ва 2 та бронза медаллари билан якунлади.
Буни ҳам ўқинг
26.03.2025
Грузиянинг Тбилиси шаҳрида бўлиб ўтган дзюдо бўйича «Катта дубулға» турнирида ўзбекистонлик спортчи Умар Бозоров биринчи ўринни қўлга киритди.
Миллий олимпия қўмитаси ахборот хизматига кўра, -90 кг вазн тоифасида баҳс олиб борган Бозоров финалда франциялик Алексис Метюдан устун келиб, олтин медални қўлга киритган.
Шу тариқа, Ўзбекистон терма жамоаси мазкур мусобақани 1 та олтин ва 2 та бронза медаллари билан якунлади. Жумладан, -66 кг вазн тоифасидаги Азизбек Ортиқов ҳамда Абдураҳим Нутфуллаев бронза медаллари билан тақдирланган.
