Ўзбекистонлик биринчи инсон Жанубий қутбга етиб борди
Александр Трач Ўзбекистоннинг Жанубий қутбга етиб борган илк фуқароси сифатида тан олинди — бу маълумот экспедиция ташкилотчилари томонидан тасдиқланди.
Экспедиция 2025 йилнинг 4 январидан 12 январигача давом этди. Жамоа 10 январь куни Жанубий қутбга эришди.
Жанубий қутбни забт этиш Александрга Ўзбекистоннинг иккала қутбга етиб борган биринчи фуқароси бўлиш имконини берди. 2021 йилда у Шимолий қутбга етиб борган Ўзбекистоннинг биринчи фуқароси бўлган эди.
Экспедиция 2021 йилнинг 10−22 июль кунлари оралиғида амалга оширилган. Ўша йили жамоада икки нафар ўзбекистонлик бўлганлиги сабабли, 15 июль куни қутб нуқтасига яқинлашганда Александр биринчи бўлиш учун кема тумшуғига кўтарилганди.
Фарғоналик сайёҳ Александр Трач ҳозирги кунга келиб БМТнинг 66 та давлатига ва БМТ аъзоси бўлмаган мамлакатлар билан бирга жами 80 дан ортиқ мамлакатга ташриф буюрган.
«Жанубий қутбда 2−3 соат бўлишимиз керак эди, аммо об-ҳаво тез бузила бошлади. Учиб кета олмаслигимиз хавфи туғилди. Бир ярим соатдан сўнг барча кемага чиқиш ва тезда учиб кетиш ҳақида буйруқ берилди. Жанубий қутбнинг денгиз сатҳидан баландлиги 2800 метр…» — дея ўз Инстаграм саҳифасида ёзади Александр.
Александрнинг таъкидлашича, Антарктидада ҳарорат кучли тебраниши мумкин. Қутб кунининг ёруғ қисмида ҳарорат бироз илиқроқ бўлади.
