Эд Ширан «Азизам» треки ва унга ишланган клипни эълон қилди
4 апрель куни хонанда Эд Ширан «Азизам» қўшиғи ва унга ишланган клипни эълон қилди.
Буни ҳам ўқинг
18.04.2025
«Биз уни (клипни) шу ой қўшиқ рекламаси пайтида бутун АҚШ (ва қисман Ипсвич) бўйлаб суратга олдик. Қаерга борсак ҳам, ҳамма жойда ажойиб муҳит мавжуд эди ва мен буни видеода акс эттирмоқчи бўлдим.
Лиам Петикка бор кучини сарфлагани ва бу видеони шунчалик ажойиб тарзда ишлагани учун, шунингдек, пушти юракларни кўриш учун бутун дунёдан келган барча мухлисларга миннатдорчилик билдирамиз», — деди Эд.
Қўшиқ Саван Котеча, Джонни Макдэйд, Иля Салманзаде ва Эд Ширан томонидан ёзилган. Трекни Apple Music, Spotify, Yandex Music ва бошқа платформаларда тинглаш мумкин.
Ширан қўшиқни уч ҳафта олдин Янги Орлеан кўчаларида, Франция кварталида жойлашган «Soul Rebels» чолғу гуруҳи ҳамроҳлигидаги кутилмаган чиқиши пайтида илк бор ижро этган.
Янги сингл Эднинг саккизинчи «Play» номли студиявий альбомининг биринчи треки ҳисобланади. Қайд этилишича, альбом премьераси 2025 йилнинг охирига белгиланган.
Буни ҳам ўқинг
