Тошкентда белгиланмаган жойга чиқинди ташлаётган қоидабузарларга қарши рейд бошланди
Пойтахт ҳокимлиги ҳуқуқбузарларга нисбатан қонунчилик доирасида маъмурий жавобгарлик чоралари кўрилишини маълум қилди.
Kinolarni bepul ko‘rish imkoniyati!
Тошкент шаҳрида дуч келган жойга чиқинди ташлаётган қоидабузарларга қарши рейдлар ўтказилмоқда. Бу ҳақда пойтахт ҳокимлиги матбуот хизмати хабар берди.
Ҳокимлик огоҳлантириш билан чиқиб, шаҳар аҳолиси мурожаатларини “диққат билан тинглаган” ҳолда, пойтахтда тозаликни сақлаш учун “қатъий чоралар кўрилаётгани"ни қайд этди.
Хусусан, белгиланмаган жойларга чиқинди ташлаётган қоидабузарларга қарши оммавий рейд тадбирлари ҳуқуқ-тартибот органлари билан ҳамкорликда амалга оширилмоқда. Уларга нисбатан амалдаги маъмурий жавобгарлик тўғрисидаги қонунларга мувофиқ жазо чоралари қўлланилади.
“Шаҳарда тозалик ва тартиб ҳар бир фуқаронинг масъулиятидир. Биз аҳолини қоидаларга риоя қилишга, атроф-муҳитни ҳурмат қилишга ва она шаҳрининг ифлосланишига йўл қўймасликка чақирамиз”, дейилади хабарда. Пойтахт ҳокимлиги шаҳар аҳолисини тозаликка амал қилишга чақирди.
Маъмурий жавобгарлик тўғрисидаги кодекснинг 91−1-моддасига кўра, белгиланмаган жойларга қаттиқ маиший ва қурилиш чиқиндиларини ташлаш, шунингдек суюқ маиший чиқиндиларни тўкиш фуқароларга БҲМнинг 1 бараваридан 3 бараваригача (375 мингдан 1,125 млн сўмгача), мансабдор шахсларга эса 10 бараваридан 20 бараваригача (3,75 — 7,5 млн сўм) миқдорда жарима солишга сабаб бўлади.
Буни ҳам ўқинг
