Йил ўқитувчиси танлови ўтказилиб, ғолибларга уй берилади
Президент педагогика йўналишидаги олийгоҳларда таҳсил олаётган иқтидорли талабалар учун Абдулла Авлоний номидаги стипендияни ташкил этишни таклиф қилди.
Yangi yilga eng yaxshi sovg‘ani topdik. BU NIMA?
Сунъий интеллектга асосланган таълим платформасида педагоглар билимини синовдан ўтказиш жорий этилади. Бу ҳақда 30 сентябрь куни ўтказилган Шавкат Мирзиёевнинг таълим-тарбия соҳаси вакиллари билан мулоқотида маълум қилинди.
Давлат раҳбари «Йил ўқитувчиси» танлови ўтказилиб, 208та туман ва шаҳардан ғолиб бўлган ўқитувчиларга совға сифатида уй-жой берилишини эълон қилди.
Бундан ташқари, жорий йил 14та мактабда педагог касбига қизиққан 10−11-синф ўқувчилари учун алоҳида синфлар ташкил этилди. Келгуси ўқув йилидан яна 60та мактабда, жумладан, 10та ихтисослашган мактабда бу тажриба жорий қилинади.
Келажакда ушбу синфларни тамомлаган ўқувчилар шу йўналишдаги олийгоҳларга кирса, уларга 2-курсдан мактабга бориб касбий маҳоратини ошириши учун имконият яратилади. Алоҳида қобилиятга эга талабаларга дарс ўтгани учун ойлик тўланади.
