Искандар Маҳмудов: “Forbes” рўйхатига киритилган инсоннинг бойлиги, карьераси, фарзандлари ва оиласи ҳақида маълумот
Искандар Маҳмудов – фойдали қазилмаларни қазиб олиш соҳасида ўз номи ва бойлигини яратган нуфузли тадбиркор. У бир неча бор “Forbes”нинг энг бой инсонлар рўйхатига киритилган, бу эса бежиз эмас! Тадбиркор қандай қилиб шундай юқори даражага етгани, унинг оиласи ҳақида ва бизнесида нималар янгиланганини Маҳмудовнинг биографиясида ўқинг.
Yangi yilga eng yaxshi sovg‘ani topdik. BU NIMA?
Искандар Маҳмудов: биографияси
Туғилган санаси: 1963-йил 5-декабрь
Буржи: Ёй
Туғилган жойи: Бухоро
Искандар Маҳмудов камбағал оилада туғилиб ўсган ва болалигидан вилоятнинг барча қийинчиликлари – муҳтожлик ва кўчиб юришларни бошдан кечирган. 1966-йилда содир бўлган зилзила туфайли унинг оиласи Тошкентга кўчиб келган, аммо улар бу ерда ҳам зўрға кун кечирган: қурувчи ва ўқитувчи маоши бутун оила эҳтиёжларини қондиришга етмаган.
Искандар шундай пайтлардаёқ қашшоқликдан чиқиб, ота-онасига ёрдам бериши кераклигини тушунган. У яхши ўқиб, Тошкент давлат университетининг шарқшунослик факултетига ўқишга кирган. Ҳеч кимнинг ҳаёлига у четда таржимон бўлиб ишлаб, Ливияда ҳамда Ироқда фаолият юритади деб ўйламаган.
Маҳмудов: карераси ва бизнеси
Маҳмудовнинг илк меҳнат фаолияти “Ўзбекингторг” компаниясида бошланган – бу пахта ишлаб чиқариш бўйича йирик корхона эди. Бу ерда у бизнес яратган Лев ва Михаил Черних билан танишган. Улар билан бирга Маҳмудов “алюминий қироли” унвонига сазовор бўлган.
1990-йилларда у бошқа металлар, хусусан, мисга эътибор қаратган ва 1998-йилда Урал кон-металлургия компанияси (UGMK)ни ташкил қилган. Ушбу компания (ОАВ маълумотларига кўра) Россия мисининг 40 фоизини назорат қилган.
Кон-металлургия соҳаси Маҳмудовнинг асосий даромад манбаи бўлган, аммо бошқа соҳалардан ҳам даромад олган. Масалан, 2012-йилда шериги Андрей Бокарев билан бирга “Трансойл”нинг 13% акциясини сотиб олган.
Шунингдек, Маҳмудовнинг “Трансмашхолдинг” ва “Желдорреммаш”да улуши бор. Биринчи компания поэзд ишлаб чиқариш билан шуғулланса, иккинчиси – уларнинг таъмири билан банд. Темир йўл ҳар доим Маҳмудовга ёқиб келган, шунинг учун у “Аэроэкспресс” акциялар пакетини ҳам сотиб олган.
Оддий бизнеслар орасида Маҳмудовнинг фаолияти қуйидагиларни ўз ичига олади: ЦСКА футбол клуби ва “Food Service Capital” ресторанлар тармоғи, бу тармоқ “Sapsan” йўловчиларини озиқлантиради.
Шахсий ҳаёти: фарзандлари ва турмуш ўртоқлари
Маҳмудовнинг ишқий ишлари кўп марта ОАВда муҳокама қилинган ва турли аёллар билан боғланган. Биринчи турмуш ўртоғи билан бизнесмен 1980-йилларда, Москвага кўчиб ўтишидан ва карераси чўққисига чиқишидан олдин ажрашган. Жуфтлик фарзандли бўлишга улгурмаган.
Маҳмудов узоқ кутилган меросхўрини иккинчи турмуш ўртоғи Маргарита орқали кўрган. Ўғлининг исми Жаҳонгир. 2019-йилда Жаҳонгир отасининг компаниясида трансформация бўйича директор этиб тайинланган.
Очиқ манбаларда Маҳмудовнинг оиласи билан бирга тушган суратларини топиб бўлмайди, бу эса яқинларини ортиқча эътибор ва миш-мишлардан ҳимоя қилишга интилишидан далолат беради.
Искандар Маҳмудов: бойлиги
2019-йилда Маҳмудовнинг бойлиги 6,6 миллиард долларни ташкил қилган. У 200 нафар бой одам орасида фахрли 18-ўринни эгаллаган.
2024-йилда эса “Forbes” рейтингига кўра Россиянинг энг бой 125 кишиси орасидан жой олиб, бойлиги 8,3 миллиард долларни ташкил қилган. Рейтингдаги ўрни – 21.
Янгиликлар
2022-йилда UGMK матбуот котиби Маҳмудовнинг компанияда назорат қилувчи манфаатдор шахс бўлишни тўхтатгани ва директорлар кенгашидан чиққанини маълум қилган. UGMK 2022-йилги ҳисоботида ўз эгаси сифатида Ўзбекистоннинг собиқ ташқи ишлар вазирининг ўғли Дониёр Комиловни кўрсатган.
2024-йилда эса Маҳмудов қишлоқ хўжалиги бизнесига жиддий киришгани ва бир нечта агрохолдингларни сотиб олгани маълум бўлди. Натижада унинг назорати остида 400 гектардан ортиқ экин ер майдонларига эга.
