Кибержиноятчилик ҳақидаги «Дайди шамол» фильми суратга олинмоқда
Кибержиноятчиликка қарши кураш ҳақидаги «Дайди шамол» фильми суратга олинмоқда. Кинокартина Кинематография агентлиги буюртмасига асосан, Давлат Хавфсизлиги Хизмати ва Киберхавфсизлик маркази ҳамкорлигида «Ёшлик» киностудияси томонидан ишланмоқда.
Kinolarni bepul ko‘rish imkoniyati!
Таъкидланишича, фильм сюжети кибержиноятчиликнинг одамлар ҳаётига ва бутун жамиятга бўлган жиддий таҳдидлари ҳақида ҳикоя қилади.
Ушбу лойиҳа томошабинларга киберхавфсизликнинг аҳамиятини тушунтириш ва огоҳликни оширишни мақсад қилади. Фильм сценарий муаллифи Санжар Маткаримов, постановкачи режиссёрлар Санжар Маткаримов, Азамат Нурматов ҳисобланади.
Қайд этилишича, «Дайди шамол» фильми фақатгина бадиий тасвирлар орқали кибержиноятчиликни ёритибгина қолмай, балки бу мавзуда жамиятда тушунчани кенгайтиришга хизмат қилиши кутилмоқда. Фильмнинг суратга олиш жараёнлари давом этмоқда.
Буни ҳам ўқинг
