Кофесеварлар, масофадан ишловчилар ва қаҳвахоналар учун пул сарфлашни истамайдиганлар учун қувончли маълумот: $680 гача бўлган энг яхши ҳамёнбоп кофемашиналар
Биз техника ва электроника дўкони билан биргаликда иқтисодий ва ўрта сегментга кирувчи энг яхши кофемашиналар рўйхатини тайёрладик. Бу рўйхат нафақат тежамкор кофесеварлар, балки масофадан ишловчиларни ҳам хурсанд қилади ва ҳатто душанба тонгларини севиб қолишга сабабчи бўлади.
Yangi yilga eng yaxshi sovg‘ani topdik. BU NIMA?
Эрталабки бир пиёла тетиклантирувчи қаҳва кўпчилик учун нафақат расмият, балки эҳтиёждир. Шу сабабли, ҳар куни янги қаҳвахоналар очилиб, ўз эгаларига капучино, латте ёки классик американо орқали яхши даромад келтирмоқда. Қаҳвасеварлар бунга қарши эмас: яхши қаҳвани севганлар $5 ни бир пиёла аччиққина қаҳвага бемалол сарфлашга тайёр (айниқса, агар сиз фрилансер бўлсангиз).
Аммо сизга уйда бариста бўлиш имкониятини берувчи ажойиб восита борлигини айтсак-чи? Бунинг учун сизга фақат бир нарса – кофемашина сотиб олиш керак.
Энг идеал қаҳва бу – уйда тайёрланган қаҳвадир.
Уйда қаҳва ичишнинг афзалликлари:
1. Шахсий рецептларингизни яратиш: Сиз ўзингизга ёқадиган рецептни танлаш, қаҳва ва сутнинг ҳароратини созлаш, ва идеал кўпик ҳосил қилиш имконига эгасиз.
2. Қаҳва донларига қадар дидингизга мосини танлаш: Қаҳвахонадаги одатий лаззатлардан чекиниб, энг ноёб қаҳва донларини танлашингиз мумкин.
3. Тежамкорлик ва вақтни тежаш: Кофемашина ёрдамида сиз нафақат вақт, балки пулни ҳам тежайсиз. Бир марта сармоя киритиб, сиз йиллар давомида сифатли қаҳвадан уйдан чиқмаган ҳолда баҳраманд бўласиз.
Ишонтира олдикми? Унда энг ҳамёнбоп De’Longhi кофемашиналар рўйхатига назар соламиз.
De’Longhi ECAM 220.21.BG: Иккиёқлама фойда
Ушбу модел, қаҳвани севувчи, лекин катта маблағ сарфлашга тайёр бўлмаганлар учун мос келади. Бир нечта ичимлик режимларини қўллаб-қувватлайди – эспрессо, капучино ва бошқа қаҳвахонага хос ичимликлар. Ички кофетегирмони (13 хил созлаш) ва капучинаторга эга. Оддий интерфейс ва ихчам дизайн билан биргаликда бу модел ҳар қандай ошхонага мос келади.
De’Longhi ECAM 220.22.GB: Функционаллик ва нафислик уйғунлиги
Мазкур модел ҳамёнбоп нархда юқори сифатли қаҳвадан баҳраманд бўлишни истаганлар учун мукаммал танловдир. Эспрессо, лунго ва капучино каби бир қанча ичимликларни тайёрлаш имконини беради. 13 хил майдалаш даражасига эга кофетегирмони ичимликнинг идеал аромати ва таъмини таъминлайди. Капучинатори эса сутни маҳоратли бариста каби майин кўпикли сутга айлантиради. Ихчам ва ҳашаматли кўринишга эга ушбу модел исталган интерерли ошхонага мос келади. Унда хотирлаш функцияси ҳам бор: энди эрталаблари ўзингиз севиб истеъмол қиладиган қаҳва рецептини эслаб, янгитдан ўрнатишингиз шарт эмас.
De’Longhi ECAM 220.30.SB: Италия қаҳваси таъмини севувчилар учун
Бу модел ўзининг ихчам дизайни ва шу билан бирга кучли функционаллиги билан ажралиб туради ва бариста қаҳвасига тенг келадиган ичимликлар тайёрлаш имконини беради. Фойдаланиш учун қулай интерфейс ва турли созламалар мавжуд. Автоматик тозалаш тизими эса уни парвариш қилишни осонлаштиради. Бу эса нафақат сифатли қаҳвадан баҳраманд бўлиш, балки сизнинг қулайлигингизни ҳам таъминлайди.
De’Longhi ECAM 220.31.SSB: Эрталабки маросимлар учун
Эрталабдан ажойиб қаҳва истеъмол қилишни севувчилар учун. Бу модел қаҳва кучи, ҳарорати ва ҳажмини мослаштириш имкониятини беради. Стилистик дизайн ва автоматлаштирилган функциялар билан бу машина мукаммал қаҳва тайёрлашни истаганлар учун идеал танлов бўлади.
De’Longhi ECAM 22.110.SB: экологияга ғамхўрлик ва сизнинг истакларингиз асосида
Ушбу кофемашина майдаланмаган қаҳва доналари ва майдаланган қаҳва билан ишлаши мумкин, бу эса сизга қулайлик ва янги таъмин ўртасида танлов имконини беради. Қўлда бошқариладиган капучинатор сут кўпиги тайёрлашда бариста маҳоратини намоён этади. Кучи, ҳарорати каби созламаларни мослаштириш, ичимликларни хотирада сақлаш, автоматик тозалаш функцияси ва энергияни тежаш тизими мавжуд. Атроф-муҳитга ғамхўрликни ҳам унутмаганлар. Бонус сифатида сутни кўпиртириш учун махсус қурилма қўшиб берилади.
De’Longhi ECAM 22.60.B: илғор кофесеварлар учун
Қўлда капучинаторли моделдан фарқли равишда, ушбу машина автоматик капучинатор билан жиҳозланган. Кўпикликнинг зичлиги, қалинлиги ва ҳароратини бошқариш жуда осон – бу ҳатто янги бошловчилар учун ҳам қулай. Шунингдек, қаҳва кучлилиги ва ҳажмини ҳам созлашингиз мумкин. Икки камерали иситиш тизими, автоматик тозалаш, энергия тежаш режими ва замонавий қора дизайнга эга. Минимализм ихлосмандлари учун жуда мос келадиган модел.
De’Longhi ECAM 320.60.B/W: “ақлли” ва кучли қаҳва севувчилар учун
Ушбу модел технологиялар ва дизайн уйғунлигининг намунаси. Энг муҳим хусусиятлардан бири – икки баробар кучли эспрессо тайёрлаш функцияси. “LatteCrema” тизими ёрдамида энг юмшоқ ва ҳаво каби енгил кўпик тайёрлаш мумкин. Рангли экран, қулай интерфейс ва шахсий созламалар (майдалаш, кучлилик, ҳарорат ва ичимлик ҳажми) мавжуд. Модел қора ва оқ рангларда таклиф этилади, ошхона дизайнига қараб танлашингиз мумкин. Автоматик тозалаш тизими одатий функция сифатида мавжуд.
De’Longhi ECAM 320.61.G: юқори стандартларни яхши кўрувчилар учун
Ушбу модел юқори сифатли ичимликлар учун мўлжалланган ва оптимал нархни таклиф қилади. Автоматик капучинатор, ичимликнинг кучлилик ва ҳароратини созлаш имконияти, замонавий металл дизайн, икки камерали иситиш тизими ва осон парваришлаш каби хусусиятлар мавжуд. Нарх ва сифат уйғунлигини излаётганлар учун идеал танлов.
De’Longhi ECAM 320.70.TB: муросага бормайдиганлар учун
Кофени севувчи, лекин сифатдан воз кечмайдиганлар учун идеал танлов. Сутли ичимликлар учун автоматик кўпиртириш, созламаларни бошқариш, шахсий профил яратиш функцияси, энергияни тежаш ва автоматик тозалаш режимлари мавжуд. Модел қора ва кулранг рангда ишлаб чиқарилган бўлиб, минималист услубдаги ошхоналар учун мос.
De’Longhi ECAM 380.85.TB: қулай нархдаги премиум ва мобил бошқарув билан
Бу қора-кулрангли зангламас пўлатдан ясалган модел премиум синфига киради, лекин қулай нархи билан жуда ёқимли танлов бўлади. “LatteCrema” тизими орқали профессионал кўпик, шахсий созламалар ва юқори самарадорлик билан ажралиб туради. Қизиқарли хусусияти – “De’Longhi Coffee Link” иловаси ёрдамида қурилмани масофадан бошқариш имконияти мавжуд.
De’Longhi ECAM 380.95.TB: флагман ва ҳақиқий гурманлар учун
Флагман модел ҳақиқий гурманлар учун ишлаб чиқилган. Ушбу моделнинг ўзига хос жиҳатлари: “LatteCrema” тизимининг янгиланган функцияси, бир нечта фойдаланувчи профилларини яратиш имконияти (масалан, сиз эспрессо севасиз, турмуш ўртоғингиз эса капучино), “Coffee Link” иловаси орқали масофадан бошқариш ва илғор тозалаш тизими.
Агар сиз кофейня, уй ёки офис учун премиум синфдаги кофемашиналарни излаётган бўлсангиз, энг яхшилари айнан шу ерда.
