Маколей Калкин «Фоллаут»нинг иккинчи мавсумида роль ижро этади
«Уйда ёлғиз» фильми юлдузи Маколей Калкин Amazonʼнинг «Фоллаут» сериалининг янги мавсумига қўшилади.
Манбаларнинг маълум қилишича, актёрга «телба даҳо» образи топширилади. Янги қисмларнинг суратга олиш ишлари ноябрь ойида бошланади. Премьеранинг аниқ санаси ҳали маълум эмас.
«Фоллаут» худди шу номдаги видео ўйинга асосланган. Воқеалар 2161 йилда кечади: ядро урушидан сўнг АҚШ харобалари ўрнида янги давлат ташкил топади. Аста-секин унинг аҳолисига қонхўр мутантлар таҳдид сола бошлайди. Люси исмли қиз (Элла Пернелл) омон қолиш учун курашни бошлаш мақсадида бункердан ташқарига чиқишга қарор қилади.
Лойиҳада шунингдек, Уолтон Гоггинс, Аарон Мотен ва Кайл МакЛоклен ҳам иштирок этган. Жонатан Нолан ва Лиза Жой («Ёввойи Ғарб дунёси») продюсерлик қилишган.
Танқидчилар сериални юқори баҳоладилар. Биринчи мавсум Prime Video стриминг хизматидаги энг машҳур бешта лойиҳа қаторига кирди ва энг яхши мусиқа танлови учун «Эмми» мукофотини қўлга киритди.
Калкин илгари ҳам телевидениеда, жумладан, «Америка даҳшатли воқеалари тарихи» ва «Адолатли Жемстоназлар» каби сериалларда суратга тушган.
