Тошкент кўчаларида таъмирлаш ишлари бошланади
Пойтахт ҳокимлиги шаҳарнинг транспорт оқими фаол бўлган кўчаларида мавсумий кўча-йўл тармоғини таъмирлаш ва реконструкция қилиш ишлари бошланишини маълум қилди.
Kino va seriallarni 7 kun bepul tomosha qiling
Таъкидланишича, ушбу йўллар текширувдан ўтказилган ва таҳлил натижаларига кўра, 2025 йилда жорий ва капитал таъмирлаш талаб қилинадиган кўчалар рўйхатини ўз ичига олган манзилли таъмирлаш дастури ишлаб чиқилган.
Дастур доирасида умумий майдони 65 000 м² дан ортиқ бўлган йўлларни таъмирлаш режалаштирилган. Лекин ҳозирча аниқ манзиллар келтирилмаган. Ишлар қопламанинг узоқ муддат чидамли бўлишини таъминлайдиган технологиялар ва материалларни қўллаган ҳолда ихтисослаштирилган бўлинмалар томонидан 7 мартдан бошлаб амалга оширилади.
Тирбандликларнинг олдини олиш ва ноқулайликларни камайтириш мақсадида йўл ишлари асосан транспорт ҳаракати энг кам бўлган соатларда ташкил этилади.
Ҳокимлик ушбу ҳолатлар аҳолига ноқулайликлар келтириб чиқишини тушунган ҳолда амалга ошириладиган ишлар нисбатан қулай ҳаракатланиш ва хавфсизликни таъминлашини таъкидлаб ўтган.
Буни ҳам ўқинг
