Олдин ва ҳозир: «Доктор Хаус» сериали актёрлари 20 йил ичида қандай ўзгарди?

Сериалнинг илк қисми 2004 йилнинг 16 ноябрида Fox телеканалида эфирга чиқди. Телесериалдаги турли хил персонажлар Шерлок Ҳолмс оламидаги одамларнинг исмига эга, жумладан, иккинчи мавсумнинг «Сабабсиз» номли сўнгги қисмида Хаус ақлини йўқотган «Мориарти» исмли босқинчи томонидан ярадорланади, бу Ҳолмснинг қасоскорини ҳам исмидир.

Таниқли инглиз актёри ва мусиқачиси Хю Лори (Доктор Грегори Хаус)га 2016 йил 25 октябрда Hollywood Walk Of Fame хиёбонида юлдуз ўрнатилган. У 2024 йилда «Теҳрон» сериалида Эрик Питерсон образини гавдалантирди. Шу пайтгача актёр ҳақида учта ҳужжатли фильм ҳам суратга олинган.

Роберт Шон Леонард (Доктор Жеймс Уилсон) 2008 йилда Габриелла Салик билан турмуш қурган, ҳозирда уларнинг уч нафар фарзанди бор. Актёр сўнгги йилларда катта кинода унчалик ҳам фаол эмас. У 2023 йилда «Олтин давр» телесериалида Люк Форте ролини ижро этди. Театр саҳнасида эса «Хиёнат» номли драмада Жерри ролини ижро қилмоқда.

Лиза Эделштейн (Доктор Лиза Кадди) Хаусгача ҳам жуда кўплаб ролларни ижро этган, аммо унга том маънодаги машҳурлик айнан шифокор ролидан кейин ёғилди. Актриса сўнгги йилларда сермаҳсул ижод қилиб келмоқда. Жумладан, «Ҳаммаси дабдала» фильмида Рейчл, «Митти қуш» сериалида эса Голда Розенблум образларини гавдалантирди.

Сериалда доктор Роберт Чейз ролини ижро этган актёр Жесси Спенсер айни вақтда 45 ёшда. Актёр 2007 йилда Пеопле журналининг «Дунёнинг энг гўзал 100 одами» рўйхатига киритилган. Спенсер жамоадошларидан фарқли ўлароқ, фаол актёрлик карьерасини қурмади. У 2024 йилда «Космик асрнинг сўнгг кунлари» деб номланувчи сериалда Тони Биссет ролини ижро қилди.

Женнифер Моррисон (Доктор Эллисон Кэмерон) 2024 йилда қиз фарзанд дунёга келтирди. Актриса айни вақтда телевидениеда бошловчилик фаолияти билан шуғулланади. Шунингдек, у ABC телеканалининг «Кунлардан бир кун» деб номланган сериалининг доимий қатнашчиси ҳисобланади. Моррисон 2024 йилда «Трекер» сериалида Лиззи Хоукинг образини гавдалантирди.