Товуқ гўштидан рецептлар: уй шароитида тайёрланадиган босқичма-босқич рецептлар

1-рецепт: Қўзиқорин ва қаймоқли қайла остида товуқ

Масаллиқлар

•  Товуқ филеси – 2 дона

•  Шампинион қўзиқорини – 200 г

•  Пиёз – 1 дона

•  20% қаймоқ – 200 мл

•  Саримсоқпиёз – 2 тишча

•  Зайтун ёғи – 2 ош қошиқ

•  Табга кўра туз ва мурч

•  Безаш учун кўкат

Босқичма-босқич рецепт

Масаллиқларни тайёрлаш

•  Товуқ филесини майда тўртбурчакларга кесамиз.

•  Қўзиқоринларни бўлак қилиб кесамиз.

•  Пиёзни майда қилиб тўғраймиз.

•  Саримсоқпиёзни майдалаб оламиз.

Товуқни қовуриш

•  Товада зайтун ёғини қиздирамиз.

•  Товуқ филеси бўлакларини солиб, қизаргунча қовурамиз (тахминан 5-7 дақиқа).

•  Товуқни тарелкага олиб ва четга қўйиб турамиз.

Қайлани тайёрлаш

•  Худди шу товада туғралган пиёзни солиб, шаффоф бўлгунга қадар қовурамиз.

•  Қўзиқоринларни қўшамиз ва қизаргунча қовурамиз.

•  Майдаланган саримсоқпиёзни қўшиб, яна 1 дақиқа давомида пиширишни давом этамиз.

Товуқ ва қайлани бирлаштириш

•  Товуқни товага қайтариб соламиз ва ҳаммасини яхшилаб аралаштирамиз.

•  Қаймоқни қуйиб, табга кўра туз ва мурч сепамиз.

•  Қайнаб чиққандан сўнг оловни пасайтирамиз ва қопқоғини ёпган ҳолда яна10 дақиқа давомида пиширамиз.

Дастурхонга узатиш

Тайёр қаймоқ қуймали товуқни дастурхонга майдаланган кўкат билан безам, гарнирига қайнатилган гуруч ёки макаронлар билан узатинг.

2-рецепт: Лимон ва ўтлар билан пиширилган товуқ

Масаллиқлар

•  Бутун товуқ – 1,5 кг

•  Лимон – 1 дона

•  Саримсоқпиёз – 4 тишча

•  Сариёғ – 100 г

•  Туз – 1 чой қошиқ

•  Мурч – 1/2 чой қошиқ

•  Қуруқ ўтлар (розмарин, тимян) – 1 чой қошиқдан

Босқичма-босқич рецепти

Товуқни тайёрлаш

•  Ортиқча намликни қуруқ салфеткалар билан артиб оламиз.

•  Ҳам ташқарисидан, ҳам ичкарисидан туз ва мурч сепинг.

Хушбўй ёғни тайёрлаш

•  Юмшоқ сариёғни майдаланган саримсоқпиёз, қуруқ ўтлар ва лимон седраси билан аралаштирамиз.

•  Товуқ терисини эҳтиёткорлик билан очиб, хушбўй ёғнинг ярмини тери ости ва бутун устки қисмига суртиб чиқамиз.

•  Товуқ ичига яримта лимон ва бир неча саримсоқпиёз тишчаларини соламиз.

Печда пишириш

•  Печни 200 градусгача олдиндан қиздирамиз.

•  Товуқни печ листига кўкрак томонини юқорига қаратган ҳолда жойлаб, устини қолган хушбўй ёғ билан суртамиз.

•  Пиширишда товуқ оёқлари очилиб кетмаслиги учун уларни ошхона ипи билан ўраб қўямиз.

•  Товуқни печда 1,5 соат давомида, вақти-вақти билан ўзидан чиқан қайлани устига қуйиб пиширамиз.

Дастурхонга узатиш

•  Товуқни печда пиширишдан кейин 10 дақиқа дам олдирамиз.

•  Товуқни порцияли қисмларга бўлиб, дастурхонга лимон бўлаклари ва янги ўтлар билан узатинг.

3-рецепт: Димлаб пиширилган товуқ, картошка ва сабзавотлар

Масаллиқлар:

•  Товуқ сонлари – 4-6 дона

•  Картошка – 4-5 дона

•  Сабзи – 2 дона

•  Пиёз – 1 дона

•  Помидор – 2 дона

•  Ширин булғор қалампири – 1 дона

•  Саримсоқпиёз – 3 тишча

•  Зайтун ёғи – 2 ош қошиқ

•  Табга кўра туз ва мурч

•  Лавр барги – 2 дона

•  Безак учун кўкат

Босқичма-босқич рецепти

Масаллиқларни тайёрлаш

•  Товуқ сонларини тузлаймиз ва мурч сепамиз.

•  Картошка ва сабзиларни катта бўлакларга кесиб оламиз.

•  Помидор ва савзини тўртбурчак бўлакларга кесиб оламиз.

•  Пиёзни майда тўғраймиз.

•  Саримсоқпиёзни майдалаймиз.

Товуқни қовуриш

•  Катта қозонда зайтун ёғини қиздирамиз.

•  Товуқ сонларини иккала томондан (ҳар  томонини 5-7 дақиқа давомида) қизартириб қовурамиз. Сўнг тарелкага оламиз.

Сабзавотларни пишириш

•  Ўша қозонда сабзи ва пиёзни солиб, юмшоқ бўлгунча димлаб пиширамиз. Сўнг картошка, бўлғор қалампирини қўшамиз ва яна 5 дақиқа давомида димлаймиз.

Товуқни сабзавотлар билан димлаш

•  Товуқ сонларини қозонга қайтариб, лавр баргларини соламиз. Устидан барча маҳсулотларни 2/3 қисмини қоплайдиган қилиб қайноқ сув соламиз.

•  Қайнатамиз, кейин оловни пасайтириб, қопқоғини ёпган ҳолда 40 дақиқа давомида пиширамиз.

Дастурхонга узатиш

Димланган товуқ, картошка ва сабзавотларни янги кўкатлар билан безатиб, дастурхонга узатинг.

Товуқ – жуда кўп мазали ва тўйимли таомларни тайёрлаш учун ишлатиладиган ажойиб маҳсулотдир. Рецептларимиздан фойдаланиб, ўз яқинларингизни хурсанд қилинг – уй шароитида нафақат мазали, балки фойдали товуқли таомларни тайёрлашингиз мумкин. Ёқимли иштаҳа!