Паркинсон касаллигига чалинган хонанда Жасур Жабборов тузалди
Бир муддат аввал Паркинсон касаллигига чалингани айтилган хонанда Жасур Жабборов, Ҳиндистонда даволаниб қайтди. “Ҳавас” гуруҳи хонандаси Шаҳноза саҳифасига жойлаган видеода Жасур Жабборовнинг анча соғайиб қолганини кўриш мумкин.
Таниқли хонанда Жасур Жабборов Паркинсон касаллиига чалингани ҳақида хабар берилганди. Шоу-бизнес вакиллари ва қўшиқчининг мухлислари унинг даволаниши учун хайрия маблағлари йиғган.
Шундан сўнг хонанда Ҳиндистонда даволаниш муолажаларини олган. Ҳозирда унинг соғлиғи деярли тўлиқ тикланганини кўриш мумкин. Санъаткор энди мухлислари билан фақат яхши кунларда, тўй ва концертларда кўришишга умид қилмоқда.
Маълумот ўрнида, Паркинсон касаллиги марказий нерв системасининг сурункали бетоблиги ҳисобланади. Бундай беморларда мускуллар таранглашади, юз ҳаракатсиз бўлиб, қотиб қолади, майда қадам ташлаб юради, ҳаракатлари чекланади, ҳатто кийиниш, тугмаларни қадашда қийналади.
2023-йил 26-декабрь куни Самарқанд давлат тиббиёт университети ҳузуридаги Нейрохирургия ва нейрореабилитация марказида Ўзбекистонда илк бор паркинсон касаллигини жарроҳлик йўли билан даволаш бўйича комплекс технологик операция ўтказилган. Операцияда 63 ёшли беморнинг бош қисмига чип ўрнатилган.
