28.10.2024
Ўзбек аёллари ҳақида янги ҳужжатли фильм суратга олинмоқда
Муаллиф
Шоҳзамон Шуҳратов
Ўзбекистондаги аёллар ҳақида «Аёллар дафтари» номли янги ҳужжатли фильм суратга олинмоқда.
Қайд этилишича, ушбу ҳужжатли фильм Маданият вазирлиги ҳузуридаги Кинематография агентлиги бадиий кенгашининг буйруғига асосан ишга тушурилган.
Таъкидланишича, кинокартинада Ўзбекистонда оила ва хотин қизлар масалалари борасидаги ишлар, маҳаллаларда жорий этилган «Аёллар дафтари» тўғрисида ҳикоя қилинади.
Айни дамда ижодий гуруҳ Ўзбекистоннинг турли нуқталарида тасвирга олиш ишларини олиб бормоқда. Кинокартина муаллифи ва режиссёри Жамилахон Пўлатова ҳисобланади.
