Сардор Рашидов: статистикаси ва биографияси. “Ўзбек Роналду” қанча маош олади?
Сардор Рашидов – ўзбек футболининг таниқли вакили, нафақат ватанда, балки халқаро майдонларда ҳам ўзини кўрсатган истеъдодли футболчи. Ушбу мақолада унинг фаолияти, статистикаси ва ютуқларини кўриб чиқамиз, шунингдек, ота касбини давом эттираётган спортчининг даромади ҳақида билиб оламиз.
Yangi yilga eng yaxshi sovg‘ani topdik. BU NIMA?
Сардор Рашидов: биографияси ва ўйинчи картаси
Туғилган санаси: 1991-йил 14-март
Буржи: Балиқ
Туғилган жойи: Жиззах
Бўйи: 184 см
Вазни: 73 кг
Сардорни “наслдан наслга ўтган спортчи” деб аташ мумкин, чунки Рашидовлар оиласида нафақат у, балки бошқа ака-укалар ҳам футбол билан шуғулланади. Сардорнинг ака-укалари Санжар ва Саҳоб Рашидовлар Жиззахнинг “Сўғдиёна” жамоасида ўйнашади. Уларнинг отаси – Ихтиёр Рашидов эса футболни ҳаваскор даражада яхши кўрар ва ўғилларига спортга бўлган муҳаббатни сингдирган. Аммо айнан катта ўғил Сардорга “худонинг инъоми” истеъдод насиб этган.
Сардор футбол йўлини ёшлар академияларида бошлаган ва тезда ўз салоҳиятини намойиш этган. Кўп ўтмай у профессионал даражага кўтарилиб, “Бунёдкор” клубида фаолиятини бошлаган. Сардорнинг истеъдоди хорижий клублар эътиборини тортиб, уни халқаро майдонга олиб чиқди.
Рашидовнинг футболдаги ютуқлари
Сардор Рашидов Ўзбекистондаги “Бунёдкор” ва “Локомотив” клубларида катта муваффақиятларга эришган. Шунингдек, у Қатарнинг “Эл-Жайш” клубида, Португалиянинг “Наcионал” клубида ва бошқа жамоаларда, жумладан “Қатар СC”, “Пахтакор”, “Ал-Кувайн”, “Умм-Салал” ва “Дубай City”да ўйнаган. Ҳозирги вақтда эса “Навбаҳор” таркибида тўп сурмоқда.
Рашидовни Ўзбекистон терма жамоасининг муҳим ўйинчиси ва самарали ҳужумчиси сифатида ҳам қадрлашади. Қизиғи шундаки, кўпчилик уни машҳур футболчи Роналду билан солиштиради. У нафақат ташқи кўриниши, балки ўйин услуби билан ҳам Роналдуга ўхшаш деб ҳисобланади. Бундан ташқари, Сардор Португалиянинг “Наcионал” клубида ўйнаб, бу йўлда ҳам Роналду изидан борган.
Сардор Рашидовнинг умумий статистикаси
Сардор Рашидов қанча маош олади?
Сардорнинг даромади ҳақида аниқ маълумотлар ошкор қилинмайди. Бироқ, футболчи Қатарнинг “Эл-Жайш” клубида ўйнаб, йилига тахминан 1,2 миллион доллар ишлаб топгани маълум. 2020-йилда у ўзбек футболининг энг кўп маош олувчи легионерларининг ТОП-10 талигига кирган.
Сардор Рашидов: шахсий ҳаёти ва оиласи
Рашидов оддий ва шахсий ҳаёти ҳақида камроқ гапирадиган футболчилардан бири. Унинг Instagram саҳифаси ҳам кам сонли постлар билан чекланган. Аммо унда отаси, ака-укалари ва икки қизининг суратларини кўриш мумкин. Қизлари гўзал ва отасининг фахри эканлиги шубҳасиз.
Сардор 2016-йилда турмуш қурган. Уйланиш маросими футболчининг она шаҳри Жиззахда бўлиб ўтган ва унда бутун жамоа қатнашган.
Қизиқарли факт
Сардор Рашидовдан ташқари яна бир ўзбек футболчиси ҳам тез-тез Роналду билан солиштирилади. Бу ҳақда батафсил бошқа мақолада ўқишингиз мумкин.
