Тошкентда Porsche Studio очилди. У қандай кўринишда?

30 сентябрь куни Ўзбекистонда биринчи Porsche маркази қурилиши бошланди, ноябрь ойи охирида эса янги ва кўп жиҳатдан ноёб бўлган биринчи Porsche дилерлик студиясининг расмий очилиши бўлиб ўтади.

Бу шунчаки автосалон эмас, у шундай инновацион маконки, унда мижозлар билан мулоқот қилиш ва бренд билан танишиш учун замонавий ва қулай жойга айланади. Бу ерда премиум автомобилларни сотиш ғояси Porsche муҳандислик санъати ва маданий қадриятларини намойиш этиш тушунчаси билан уйғунлашади.

Porsche Studio нафақат Тошкентда, балки бутун Марказий Осиёда ягона. Аввал фақат Остона ва Олмаoтода Porsche марказлари бор эди, аммо бу энди бутунлай бошқа формат. Студия шаҳар марказида жойлашган бўлиб, шоурум, меҳмондўстлик ва қулайликнинг уйғунлашган кўринишини ўзида мужассам этган бутик тасаввурини беради.

Студиядан фарқли ўлароқ, Porsche маркази кўпроқ кенгайтирилган моделлар ассортименти ва техник хизмат кўрсатиш марказига эга бўлган йирик автосалонга ўхшайди. Янги Тошкент ҳудудидаги тўлақонли дилерлик маркази қурилиши 2025 йилда якунланади.

Уч қаватли студияга қайтайлик. Биринчи қаватда иккита модель — қордек оқ рангли Porsche Taycan 4S Cross Turismo ва кўк рангли Porsche Macan T, кутиш зонаси, бар ва конфигуратор мавжуд бўлиб, улар ёрдамида ҳар бир меҳмон интерактив тарзда моделлар билан танишиши ва ўз хоҳишларига кўра автомобиль танлашнинг ноёб тажрибасини ҳис қилиши мумкин.

Студия сизни «олд моней» муҳитига шўнғитади: чизиқларнинг соддалиги, ёрқин ранглар, бу бренд фалсафасини яна бир бор эсга солади — ҳашамат ва нафосат. Шоурумнинг ўзи шаҳар ташқарисидаги уйни эслатади, у жуда шинам. Бу шунчаки автосалон эмас, балки мижозлар қулай шароитда сўнгги моделлар билан танишишлари мумкин бўлган пухта ўйланган дизайн макони. Агар махфийлик керак бўлса, бу ерда суриладиган пардалар ҳам бор.

Студиянинг асосий мақсади — ҳар бир ташриф буюрувчи учун имкон қадар қулай шароит яратиш. Бу ерда мижозлар шахсий маслаҳатчи хизматидан фойдаланишлари мумкин. Маслаҳатчи нафақат керакли техник кўрсаткичларга эга моделни танлашга ёрдам беради, балки ранг, салон ва технологик имкониятларни ўз ичига олган тўлиқ комплектация ҳам тавсия қилади.

Автомобиль танлашдан ташқари, маслаҳатчилар сервис хизматининг нозик жиҳатлари ҳақида маълумот беришга ва энг мақбул ечимларни таклиф этишга тайёр. Сервис маркази бинонинг пастки қаватида жойлашган.

Иккинчи қаватда Tashkent City боғига қараган катта панорама ойнали музокара хоналари ва кутиш зали жойлашган. Моделлар билан танишишдан ташқари, меҳмонлар бренд тарихини чуқурроқ билишлари ва унинг фалсафасини ҳис қилишлари мумкин. Ассортиментда тақдим этилган китоблар ва фотосуратлар ҳақиқатан ҳам Porsche дунёсига олиб кетади.