Тошкентдаги оила аъзолари учун энг яхши жойлар ва рисоладагидек дам олиш кунининг рецепти: блогер ва Special by See асосчисидан интервью
Агар сиз Тошкентда истиқомат қилсангиз ва ҳар доим ҳам оилангиз билан қаерда вақт ўтказишни билавермасангиз, мунтазам равишда мазали таомлар тайёрловчи муассасаларни излаётган бўлсангиз ҳамда рисоладагидек дам олиш кунининг сирини топа олмасангиз, унда блогер Ситора Ўктамованинг ушбу тўплами сиз учун.
Қаҳрамон картаси
Ситора – лайфстайл блогери, икки нафар фарзанди бор, севимли рафиқа. Ўриндошлик асосида Special by See бренд либослари асосчиси ва ғоявий илҳомчиси. У ўз ҳаётини сўзлаб беради, шахсий суратлари билан ўртоқлашади, обуначиларига бутун оиласи билан вақтни хушнуд ўтказиш мумкин бўлган янги жойларни тайёрлаб, маслаҳат беради. Биз буни шунчаки ўтказиб юбора олмадик.
Тошкентдаги оилангиз билан ажойиб ва хушвақт ўтадиган энг яхши жойлар
Тельман боғи ва Ҳаворанг гумбазлар хиёбони
Оиламиз билан боғлар ва бошқа яшил ҳудудларда вақт ўтказишни яхши кўрамиз. У ерда ёлғиз қолиш, дилдан суҳбатлашиш ва ҳар бир фарзандингизга вақт ажратишингиз мумкин.
Республика болалар кутубхонаси
Бу ерда болаларни ҳам, катталарни ҳам ўзига мафтун қиладиган қандайдир алоҳида муҳит ҳукм суради. У ерда болалар учун қанчадан-қанча ажойиб китобларнинг борлигига нима дейсиз!
Кинотеатрлар
Тошкентнинг Nехт СМ томидаги энг севимли маскан. Аммо ҳозир унинг мавсуми эмас.
Оилангиз билан нонушта ва кечки овқат учун энг сара масканлар
“Нарцисс” ва “Сироварня”даги нонушталар. Агар уларнинг иккинчисида бўлсангиз, у ҳолда албатта сирникларни татиб кўринг – уларнинг таъми тилингизда қолади.
“Мясное”даги кечки тамадди. Агар ошхона ҳақида гапирадиган бўлсак, унинг номи ҳам бунга гувоҳлик бермоқда: Тошкентдаги энг зўр стейкни шу ердан топасиз.
Барча оила аъзолари учун Тошкентдаги энг яхши кўнгилочар жойлар
Менинг топимда даблбасда (икки қаватли автобусда) шаҳар бўйлаб, масалан, “Тошкентдан гапиради” иммерсив спектакли пайтида экскурсия уюштириш.
Агар сиз шаҳардан ташқарига чиқмоқчи бўлсангиз, Паркентдаги 1-рақамли Бешбармоқ, Амирсой оромгоҳи ва Rano Eco Village каби жойларни тавсия қиламан.
Тошкентда болалар учун энг яхши жойлар
Қизларим Эртаклар музейига боришни яхши кўришади. Биз шунингдек, кўпинча Буғу фермасига борамиз ва Фурқат боғи ҳудудидаги ҳайвонот боғига ҳам бориб турамиз.
Учрашув учун ажойиб масканлар
Агар биз турмуш ўртоғим билан хаёлотга берилмоқчи бўлсак, кечки овқатга ресторанга борамиз. Ҳар қандай жуфтлик каби бизнинг ҳам ўз севимли жойларимиз бор. Буларга Tashkent City Mall савдо марказининг 3-қаватидаги Ribambelle айвони ва Шота Руставели кўчасидаги Европа Lumiereni мисол қилиш мумкин.
Оила даврасида рисоладагидек ҳордиқ чиқариш қандай бўлади?
(Биринчи навбатда - тўйиб ухлаб олиш)
Анъаналар бўлмаса, қаёққа ҳам борардик? Бизда уйда нонушта қилмасдан Тошкентдаги қаҳвахоналардан бирига бориш, кейин эса шаҳар бўйлаб сайр қилиш анъанага айланган. Кейин уйга қайтамиз ва кечгача бирга бўламиз. Фильм томоша қилишимиз, болалар билан стол тенниси ўйнашимиз ва, албатта, мазали кечки овқат пиширишимиз мумкин. Ва бу маросимлар ҳақиқатан ҳам бизни бир-биримизга янада яқинлаштиради ва бир ҳафта олдинга ижобий таъсир кўрсатади!
