UzAuto Motors Cobalt учун контрактация қачон очилишини маълум қилди
UzAuto Motors 22 ноябрь куни соат 10:00 да Cobalt Style ва Midnight модификациялари учун онлайн шартнома очилишини эълон қилди.
Yangi yilga eng yaxshi sovg‘ani topdik. BU NIMA?
UzAuto Motors компанияси Chevrolet Cobalt автомобилининг GX-Style AT Plus ва GX-Midnight AT турлари учун контрактация очилишини маълум қилди.
Автомобилларни харид қилиш учун шартномани 22 ноябрь куни соат 10:00 дан бошлаб savdo.uzavtosanoat.uz сайти орқали тузиш мумкин.
Telegram бот ҳамда UzAvtosavdo иловаси эса навбатни кузатиш хизматини ҳамда мавжуд автомобиллар ҳақида маълумотни тақдим этади.
Компания автомобиль хариди учун тузилган шартномалар бўйича тўлов етти календарь кун ичида амалга оширилиши лозимлигини эслатиб ўтди. Саволлар бўлса, компания call-маркази: 78 141 77 77 рақамига мурожаат қилиш мумкин.
Маълумот учун, Cobalt автомобилининг янги модификацияси — Cobalt Midnight ҳозирги мавжуд модификациядан 7,3 млн сўм қимматроқ бўлади. Биринчи босқичда янги модификацияда ёритиш тизими ва ғилдирак дисклари қорамтир тусда бўлади. Кейинги босқичларда эса интерьер қисми бўйича қўшимча ўзгартиришлар киритилади.
