Хитойда беморга чўчқа буйраги кўчириб ўтказилди
Хитойда буйрак етишмовчилигидан азият чеккан 68 ёшли аёлга гени ўзгартирилган чўчқа буйраги муваффақиятли трансплантация қилинган.
Kinolarni bepul ko‘rish imkoniyati!
Хитойлик шифокорлар гуруҳи уремия билан оғриган беморга генетик жиҳатдан ўзгартирилган чўчқа буйрагини муваффақиятли кўчириб ўтказди. Бу турлараро аъзо кўчириб ўтказиш соҳасида муҳим клиник ютуқ ҳисобланади.
Ҳарбий ҳаво кучлари тиббиёт университети Ситсзин шифохонаси шифокорлар гуруҳи 6 март куни буйрак касаллигининг сўнгги босқичидаги 69 ёшли аёлга генетик жиҳатдан ўзгартирилган чўчқа буйрагини кўчириб ўтказди. Қон айланиши тиклангач, кўчириб ўтказилган буйрак пушти рангга кирди ва тез орада сийдик ажрата бошлади.
Операциядан кейинги олтинчи кунда беморнинг аҳволи барқарор, буйрак фаолияти яхши бўлиб, бир суткада ажралган сийдик миқдори 5468 миллилитргача етди. Шунингдек, буйрак фаолиятини баҳолашнинг асосий биокимёвий кўрсаткичи бўлган қон зардобидаги креатинин даражаси 3-кунга келиб меъёрга тушди. Бу эса дастлабки жарроҳлик муваффақиятли ўтганини кўрсатади, дейди шифокорлар жамоаси.
Саккиз йил олдин сурункали буйрак етишмовчилиги ташхиси қўйилган бемор мос буйрак донорини топа олмаган ва ҳафтасига уч марта диализга муҳтож бўлган. Касаллик зўрайиши билан диализ билан боғлиқ асоратлар пайдо бўла бошлаган.
Хитойда тахминан 130 миллион киши сурункали буйрак касаллиги билан оғриган бўлиб, буйрак касаллигининг сўнгги босқичидаги беморлар сони ҳар йили узлуксиз ошиб бормоқда.
Буни ҳам ўқинг
