Burger King яқин ойларда Ўзбекистон бозорига кириши кутилмоқда
Муассасаларни очиш учун лицензияни Pepsi ва бошқа салқин ичимликлар ишлаб чиқарувчи International Beverages Tashkent компанияси қўлга киритди. Унга бутун Марказий Осиё ҳудудини бошқариш таклиф қилинган.
Aввалроқ 18 апрель куни Шавкат Мирзиёев раислигида дунёдаги иқтисодий тебранишларнинг мамлакат соҳа ва тармоқларига таъсирини юмшатиш қаратилган видеоселектор йиғилиши ўтказилгани хабар берилганди.
Мулоқотда Интернатионал Беверагес Ташкент компанияси таъсисчиси Шуҳрат Эргашев давлат раҳбарига 10 йил олдин маҳаллий компаниялар «Burger King ва McDonaldʼs ортидан чопиб», Ўзбекистон бозорига киришни сўрашганини қайд этди. Бу ҳақда Ўзбекистон 24 телеканали лавҳасида сўз боради.
«Бугунги кунда биз улар билан келишиб олдик, Ўзбекистон [бозори] учун лицензия олдик. 2−3 ойда бизда Бургер Кинг номли компаниялар очилади. Бу нафақат Тошкент бўйича бўлади, балки улар бизга марказий офисни Тошкентда очиб, бутун Марказий Осиё учун лицензия беришни таклиф қилишди», — деди тадбиркор.
Унинг қайд этишича, хорижий инвесторлар янги бозорга киришдан олдин уларда Burger King ёки McDonaldʼs кабилар бор-йўқлигига қизиқишади. «Улар учун бу сармоя киритишда муҳим ижобий белгидир», — деди Шуҳрат Эргашев. Президент унга ишларида омад тилади.
Буни ҳам ўқинг
