YouTube муаллифлар учун янги функцияни синовдан ўтказмоқда
YouTube муаллифлар учун янги функцияни синовдан ўтказмоқда, дея хабар берди TechCrunch.
Қайд этилишича, янги функция ёш чекловларини олиб ташлаш ва муайян ҳамжамият кўрсатмаларини бузгани учун олиб ташланган видеоларни қайта тиклаш учун ўз видеоларини таҳрирлаш имконини беради.
Ҳозиргача, агар видео YouTube ҳамжамият тартиб-қоидаларини бузганлиги учун баҳоланган ёки олиб ташланган бўлса, ижодкорлар шикоят қилишлари ва натижасини кутишлари керак эди.
Ижодкорлар фақат бир марта мурожаат қилишлари мумкин эди ва натижани қабул қилишдан бошқа иложи йўқ эди. Энди компания муаллифларга ушбу тест ёрдамида ёш чекловларини олиб ташлаш ёки видеоларни тиклаш учун яна бир имконият беряпти.
YouTube ўзининг қўллаб-қувватлаш саҳифасида тегишли муаллифлар YouTube Studioʼда ўз контентини таҳрирлаш учун янги имкониятга эга бўлишини айтди. Ижодкор видеони таҳрир қилгандан сўнг, YouTube жамоаси ўзгаришларни кўриб чиқади ва ёшга оид чекловлар ёки Ҳамжамият тартиб-қоидаларининг бузилишини олиб ташлайди.
