Ўз қўлингиз билан арча ясаш: байрам учун 25 та ижодий ғоя
Янги йил арафасида уйингизга ўз қўлларингиз билан бир оз сеҳр олиб киришингиз мумкин. Ушбу қўлланмада 25 та ўзига хос арча ясаш усуллари тўпланган бўлиб, улар нафақат уйингизни безайди, балки бутун оила учун ажойиб ижодий лойиҳа бўлади.
Шох ва ғуддалардан
Куритилган шох ва арча ғуддаларини ёғоч асосга маҳкамланг. Ёнадиган гирлянда билан безанг, ўрмоннинг табиий текстураси ва ҳидидан завқланинг.
Ип ва михлардан: қалин ва рангли ипларни деворга арча шаклида маҳкамланган михларга тортиб чиқинг. Бу усул осон ва замонавий бўлиб, эстетикани қадрловчилар учун минимализм услубидаги арча ясаш учун ажойиб вариант.
Картон втулкалардан: туалет қоғози ёки қоғозли сочиқлар втулкаларидан фойдаланинг. Уларни яшил рангга бўяб, конус шаклида жойлаштиринг.
Ёғоч тахталардан: ёғоч тахталарни учбурчак шаклида жойлаб, михлар билан маҳкамланг. Экологик услубни қадрлайдиганлар учун ажойиб усул.
Тухум филейкасидан арча дарахти: бўш тухум қутиларини арча шаклида ёпиштириб, яшил рангга бўянг ва ялтироқ безакларни қўшинг.
Эски китоблардан
Эски китоб саҳифаларидан конус яратиб, уни арча шаклида шакллантиринг ва зарчалар билан безанг.
Фетр квадратлардан: фетр материалидан квадратчаларни кесиб олиб, уларни конусга маҳкамланг. Бу нафақат осон, балки болалар учун хавфсиз ҳамдир.
Ёнадиган гирляндалар ва фотосуратлардан: деворда ёнадиган гирляндадан арчанинг контурларини яратинг, ичига эса ўтган йилдаги севимли суратларингизни маҳкамланг.
Пластик бутилкалардан: бутилкаларни кесиб, пирамида шаклида жойланг ва ўзингизга ёққан рангда бўянг ва безанг.
Ёстиқлардан ясалган арча дарахти
Турли ўлчамдаги ёстиқларни, катта ёстиқдан бошлаб, кичик ёстиқларга қадар арча шаклида жойлаштиринг. Уларни лента ва бантлар билан безанг.
Макарон маҳсулотларидан: турли, масалан бант шаклидаги макаронларни яшил ва олтин рангга бўяб, уларни асосга ёпиштиринг.
Консерва идишларидан: консерва қутиларни яшил рангга бўяб, уларни бир-бирининг устига қўйинг.
Долчин таёқчаларидан: кичкина долчин таёқчаларини елим билан маҳкамлаш орқали арча яратинг.
Плёнкадан: совғаларни қадоқлайдиган плёнкадан чиройли ярқирайдиган қатламлар яратишда фойдаланинг.
Палетлардан: палетларни шунчаки арча шаклида жойлаштириб, қишлоқ атмосфераси эффектини яратиш учун ёнадиган гирляндалар билан безанг.
Крафт қоғозидан: крафт қоғозларидан конус шаклидаги арчаларни ясанг ва уларни турли расмчалар ва аппликациялар билан безанг.
Қуритилган мевалардан: қуритилган апелсин ёки лимон бўлакларини симли илмоқ билан арча рамкасига осиб қўйинг.
Лампочкалардан
Эски лампочкаларни бўянг ва арча яратиш учун иплардан фойдаланинг.
Эски кийимлардан: ишлатилмайдиган кийимлардан фойдаланинг – уларни узун чизиқларга кесиб, арча шаклидаги симли рамка атрофида ўранг.
Кийим қисқичларидан: ёғоч таёқ атрофида тўплаб, бўянг ва зарчалар билан безанг.
Маккажўхори пўстларидан: ушбу материаллар шаклни яхши ушлайди ва экологик тоза кўринади.
Кигиздан ясалган арча: кигизни катта доираларга кесиб, уларни бир-бирининг устига қўйинг.
Пластик қошиқлардан: бўйидан иккига бўлинг ва конусга ёпиштиринг.
Доира шаклидаги осма арча: қоғоздан кўп доиралар ясанг ва уларни осма мобилга бирлаштиринг.
Текстилдан: турли хил рангдаги ипларни олинг ва макраме техникаси ёрдамида арча яратинг.
Ушбу ижодий ғоялар байрам атмосферасини бойитишга ёрдам бериб, оила аъзоларингиз билан бирга ясаган арча Янги йил муҳитига ўзгача байрамона шукуҳ бахш этади. Ижодий жараёндан завқланинг ва ўз қўлингиз билан сеҳрли кайфият яратинг!
