Ўзбекистонда 2024/2025 йилги Green Card лотереяси қандай ўйналади – кўрсатмалар

Green Card ўзи нима ва нима учун ҳамма унда ютишни хоҳлайди?

Грин карта — АҚШнинг резиденти (доимий яшовчиси) бўлиш ҳуқуқини берувчи гувоҳномадир. Шуни ҳам айтиб ўтиш керакки, ушбу босқич оралиқ босқич ҳисобланиб, кейингиси эса Америка фуқаролигини олиш бўлади.

Грин карта нима беради?

• АҚШ ҳудудида яшаш ҳуқуқи
• Мамлакатга эркин кириш/чиқиш имконияти
• Расман ишлаш, ўз бизнесини очишга рухсат
• Олий таълимда ўқиш ҳуқуқи
• Суғурта олиш, ижтимоий ҳимоя олиш учун ариза бериш, оила билан бирлашишни сўраш имконияти

Грин картани бекор қилишлари мумкинми?

Мумкин, агар солиқ тўланмаса, АҚШ қонунларига риоя қилмаса ва 6 ойдан кўпроқ вақт давомида мамлакатни тарк этган тақдирдагина бекор қилиниши мумкин.

Green Card олишнинг қандай усуллари бор?

АҚШ фуқаросига турмушга чиқиб, оилага асосланган иммиграция жараёнидан ўтиб, иш визасига эга бўлиб, сиёсий бошпана сўраб ёки лотереяда ғолиб бўлиб олиш мумкин. Бу мақоламизда айнан шу ҳақда батафсил ёритиб берамиз.

Ўзбекистондан 2024/2025 йилда Green Card'га қандай ариза топшириш керак?

Тайёрлов босқичи:

• Грин карта учун ҳужжатлар рўйхатини тўплаш: тўлдириш керак бўлган анкетадан ташқари сизга профессионал фото студияда ёки виза марказида сўнгги 6 ойда суратга олинган фотосурат керак бўлади.
• Green Card хизматига Ўзбекистондан ариза бериш учун dvprogram.state.gov веб-сайтига ўтинг (бу ҳақиқий ягона сайт) ва сўровнома ёрлиғини очиб, тўлдиришни бошлаймиз.
• Аризани инглиз тили тартибида лотин ҳарфлари билан тўлдиринг. Диққат! Рўйхатдан ўтиш учун сизда фақат 60 дақиқа бўлади. Жўнатишдан олдин Грин Карта ариза шаклини керак бўлса яна бир бор таҳрирлаб, хатоликлари бўлса барчасини тўғрилаш имконияти бўлади. 

Green Card аризасини Ўзбекистондан тўлдириш намунаси:

1. Name (Исм)

Last/Family Name – фамилиянгиз. First name – исмингиз. Middle Name – ўрта исм (отасининг исми эмас!). Агар у бўлмаса, No Middle Name ёнидаги катакчани тўлдиринг.

   2.  Гендер (Жинсингиз)

Male – эркак. Female – аёл.

   3.  Birth date (Туғилган сана)

Ўзингиз туғилган ой, кун ва йилни танланг. Айнан шу тартибда, чалкаштирманг.

   4.  City Where You Born (Сиз туғилган шаҳар)

Фақат паспортда белгиланган шаҳар/аҳоли пункти бўлиши керак. Мамлакат, минтақани кўрсатишингиз шарт эмас.

   5.   Country Where You Born (Сиз туғилган мамлакат)

Ана бу ерда эса мамлакатингизни рўйхатдан танлашингиз керак. Бу ерда кўчиб борган эмас, айнан туғилган мамлакатингизни кўрсатинг.

   6.    Country of Eligibility for the DV Program (ДВ Дастурига иштирок этиш ҳуқуқи бор мамлакат)

Агар Грин карта олиш учун ариза ўз мамлакатингиздан (Ўзбекистон) топширилаётган бўлса, ариза шаклида кейинги бандга ўтишингиз мумкин.

   7.    Entrant Photography (иштирокчининг фотосурати)

Фотосуратингизни юкланг. Бунинг учун Чоосе Неw Пҳото устига босиб, керакли суратни танланг. Агар фотосурат техник мезонларга жавоб бермаса, сайт уни маъқулламайди.

   8.    Mailing Address (почта манзили)

Почта манзилингизни киритинг. Бунга консуллик ҳужжатлари жўнатилади. Бу манзилда рўйхатдан ўтмаган бўлсангиз ҳам мумкин.

• In Care OF: манзил. Агар сиз ушбу манзилда яшасангиз, майдонни бўш қолдиришингиз мумкин.

Мана намуна:

• Address Line 1: Шота Руставели стреэет 11-20 (корпус бўлса, корпусини ҳам ёзинг)
• Address Line 2: манзилнинг давомини ёзиш керак (агар бўш жой етмаган бўлса)
• City/Town: Ташкент
• District/Country/Province/State: Ташкент
• Postal Code/Zip Code: бу ерда почта кодини ёзинг
• Country: рўйхатдан Ўзбекистонни танланг

9.   Country Where You Live Today (Ҳозирда сиз яшаётган давлат)

Рўйхатдан яна кераклигини танланг.

 10.  Phone number (Телефон рақами)

Бу майдонни тўлдириш ихтиёрий ҳисобланади. Агар хоҳласангиз, мобил/уй телефон рақамингизни киритинг.

 11.   E-mail Address (электрон почта манзили)

Жорий электрон почта манзилингизни ёзинг ва кейинги сатрда такрорланг (cонфирм э-маил).

 12.   What is the highest level of education you have achieved, as of today? (Ҳозиргача сиз эришган энг юқори таълим даражаси қандай?)

Бу ерда даражангизни хато киритмаслик учун диққатлироқ бўлинг.

Primary school — Бошланғич мактаб

High School no degree — тугалланмаган ўрта мактаб

High School— тугалланган ўрта мактаб (аттестат билан)

Vocational school — Касб-ҳунар техникуми

Some University Courses — тугалланмаган олий маълумотли

University Degree — тугалланган олий маълумотли

Some Graduate Level Courses — тугалланмаган магистрлик даражаси

Master Degree— тугалланган магистрлик даражаси

Some Doctorate Level Courses— тугалланмаган докторлик даражаси

Doctorate Degree — тугалланган докторлик даражаси

13. What is yout current marital status? (Оилавий аҳволингиз)

Unmarried — турмуш қурмаганман

Married — турмуш қурганман

Married and my spouse is NOT a U.S.citizen or U.S. Lawful Permanent Resident — Турмуш қурганман ва менинг турмуш ўртоғим АҚШ фуқароси эмас

Married and my spouse IS a U.S.citizen or U.S. Lawful Permanent Resident (LPR)—Турмуш қурганман ва менинг турмуш ўртоғим АҚШ фуқароси ҳисобланади

Divorced — Ажрашганман

Widow — Беваман

  14.   Number of Children (Болалар сони)

Бу қаторда нечта фарзандингиз (21 ёшгача бўлган) борлигини ёзишингиз керак. Ҳар бир фарзандингиз: ўз болангиз, асраб олинган, ўгай, собиқ эрдан бўлган болаларни киритиш муҳимдир.

Агар ажрашган бўлсангиз, болалар эса сиз билан яшамаса, уларни ҳам рўйхатга киритиш керак. Агар болаларингиз бўлмаса бу жойини ташлаб кетасиз.

Агар сиз турмуш қуриб, фарзандли бўлсангиз, унда Грин Карта аризасининг иккинчи қисмини ҳам тўлдиришингиз керак бўлади. У ерда ҳар бир болангиз ҳақида маълумот киритиб, фотосуратларни бириктиришингиз керак бўлади.

Ариза тўлдирилгандан сўнг, Continue (Давом этиш) тугмасини босинг. Маълумотларингиз киритилган саҳифа пайдо бўлади. Тўғрилигини текшириб кўринг, барча хатоларни тўғриланг (бошқа имконият бўлмайди). Агар ҳаммаси тўғри ёзилган бўлса, яна бир марта Continue тугмасини босинг – тайёр, сиз Green Card'га ариза топшириб бўлдингиз!

Муҳими:

Грин карта аризаси қабул қилинганда сиз ўзингизнинг шахсий Conifirmation Number (тасдиқлаш рақамингиз)ни оласиз. Уни йўқотиб қўйманг ва скриншот олиб/ҳужжатларда сақлаб қўйишингиз/оила аъзоларингизга жўнатиб қўйганингиз маъқул. 2024/2025-йилларда Грин карта олган ёки олмаганлигингизни айнан шу рақамлар орқали билиб оласиз.