«Ўзгидромет» тезкор гидрометеорологик ахборот эълон қилди
Ҳарорат яна пасаяди. 30 ноябрь–1 декабрда айрим жойларда ёмғир қорга айланиши мумкин. Тоғли ҳудудларида сел хавфи бор.
Yangi yilga eng yaxshi sovg‘ani topdik. BU NIMA?
«Ўзгидромет» директори тезкор гидрометеорологик ахборот эълон қилди.
Унга кўра, 29 ноябрь–2 декабрь кунлари Ўзбекистон ҳудудига нам ва совуқ ҳаво массалари кириб келиши кутилмоқда.
29 ноябрь–1 декабрда республика бўйича вақти-вақти билан ёмғир ёғади, баъзи жойларда кучли бўлади. 30 ноябрь–1 декабрда айрим жойларда ёмғир қорга айланиши мумкин.
Ҳаво ҳарорати аста-секин пасаяди ва 1–2 декабрга келиб, 3 даража совуқ-2 даража илиқни, кундуз кунлари 3-8 даража илиқни, шимолда кечалари 3-8 даража совуқни, кундуз кунлари 2 даража совуқ-3 даража илиқни ташкил этади.
Ўзбекистоннинг тоғолди ва тоғли ҳудудларида 29 ноябрь-1 декабрь кунлари сел-сув тошқин ҳодисалари юзага келиши мумкин. Республика ҳудуди бўйича ёмғир сувлари тўпланиши эҳтимоли бор, бу эса ҳудудларни сув босишига олиб келиши мумкин.
