Samsung aqlli soatlarida glyukoza darajasini oʻlchash funksiyasini joriy etadi
Ushbu texnologiya qondagi qand miqdorini invaziv usullarsiz — yorugʻlik yordamida maʼlumotlarni tahlil qiladigan optik sensorlar orqali kuzatish imkonini beradi.
O‘xshash mavzular
03.02.2025
Samsung oʻzining aqlli soatlarida glyukoza darajasini oʻlchash funksiyasini joriy etishga tayyorlanmoqda. Bu haqda Android Authority nashri xabar berdi.
Ushbu texnologiya qondagi qand miqdorini invaziv usullarsiz — yorugʻlik yordamida maʼlumotlarni tahlil qiladigan optik sensorlar orqali kuzatish imkonini beradi.
Agar kompaniya muvaffaqiyatga erishsa, bu diabet bilan ogʻrigan millionlab odamlarning hayotini sezilarli darajada osonlashtiradi va ularni muntazam ravishda terini teshish zaruratidan xalos qiladi.
“Biz noinvaziv optik uzluksiz glyukoza monitori ustida ishlayapmiz. Men sizga aniq [ishga tushirish] vaqtini ayta olmayman, lekin biz erishayotgan yutuqlardan juda ruhlanaman“, — dedi kompaniya katta vitse-prezidenti Xon Pak.
Ishlab chiqish optik sensorlarga asoslangan boʻlib, ular allaqachon aqlli soatlarda qondagi puls va kislorod darajasini oʻlchash uchun ishlatiladi. Bu qurilmalar qaytgan yoki yutilgan yorugʻlik toʻlqinlarini tahlil qilish prinsipi boʻyicha ishlaydi.
Samsung`ning yangi yondashuvi tana toʻqimalarida glyukoza darajasini aniqlash uchun shunga oʻxshash usuldan foydalanishni oʻz ichiga oladi. Kompaniya bunday oʻlchovlarning aniqligi tibbiy standartlarga mos kelishiga intiladi.
