“Qasoskorlar 5” filmining suratga olish ishlari boshlandi
London shahrida Marvel kinokompaniyasi tomonidan “Qasoskorlar 5” (“Avengers: Doomsday”) filmining suratga olish ishlari boshlandi. Kinokartina 2026-yil 1-mayda katta ekranlarga chiqadi.
Kinolarni bepul ko‘rish imkoniyati!
Qayd etilishicha, Kris Xemsvort Tor roliga, Entoni Maki Sem Uilson / yangi Kapitan Amerika roliga, Sebastyan Sten Baki Barns roliga, Pol Radd Chumoli odam roliga, Tom Hidlston Loki roliga qaytadi.
Qasoskorlar tarkibiga ilk bor Vanessa Kirbi (Syu Shtorm), Letisiya Rayt (Shuri), Uayatt Rassel (AQSh agenti), Ebon Moss-Bahrah (Ben Grimm), Lyu Simu (Shang-Chi) va Florens Pyu (Yelena Belova) qo‘shiladi. Shuningdek, kinokartinada “Qora pantera” filmida antagonist Namor rolini oʻynagan Tenoch Uerta va boshqalar koʻrinish beradi.
Rejissyorlar Entoni va Jo Russo bo‘lib, ular “Abadiyat jangi” va “Final” filmlarini suratga olgan. Syujet tafsilotlari ma’lum qilinmagan. “Qasoskorlar” seriyasidagi filmlar ilk bor 2012-yilda premyera qilingan va jahon prokatida jami 7,6 milliard dollar ishlab topgan.
O‘xshash mavzular
