Yo‘qotilgan mobil telefonni qanday topish mumkin?

Geolokatsiya orqali qidirishda maxsus yordamchi dasturlar 

Android telefon uchun 

Agar geolokatsiya yoqilgan bo‘lsa va qidiruv sozlangan bo‘lsa, telefoningizni qidirish uchun Google’ning “Qurilmani topish” funksiyasidan foydalaning. Qidiruv ruxsatnomalarini “Xavfsizlik”, “Maxfiylik”, “Himoya va joylashuv” bo‘limlarida yoki sozlamalarni qidirish orqali topish mumkin.

Bu xususiyat Google-akkauntingiz orqali ishlaydi va smartfonni masofadan qidirish uchun uchta variantni taklif qiladi:

1. Qo‘ng‘iroq qilish – agar u internetga ulangan bo‘lsa, telefon besh daqiqa davomida baland tovushlarni chiqaradi. Ovoz quvvat tugmasi bilan o‘chiriladi.

2. Qurilmani qulflash – hatto grafik-kalit yoki PIN-kodsiz ham smartfonni qulflaydi. Siz bilan bog‘lanishlari uchun xabar va raqam qo‘shishingiz mumkin.

3. Qurilmani tozalash – xotira kartasidagi ma’lumotlardan tashqari, internetga ulanganda barcha ma’lumotlarni o‘chirib tashlaydi. Shundan so‘ng, telefonning joylashuvi boshqa aniqlanmaydi.

Ushbu funksiyadan boshqa qurilmadan “Qurilmani topish” dasturini o‘rnatish va akkauntingizga kirish orqali foydalanishingiz ham mumkin.

Huawei mobil telefonlari uchun 

Ular o‘zlarining qidiruv xizmatiga ega. Uni faollashtirish uchun quyidagi amallarni bajaring:

• sozlamalarda Huawei akkaunt qaydnomasi nomini bosing va “Bulut”ni tanlang;

• “Qurilmani qidirish” bo‘limiga o‘ting;

• oxirgi manzilni qidirish va yuborishga ruxsat bering.

Huawei xizmatlari orqali telefonni kuzatish uchun foydalanuvchi nomi va parolni kiritib, istalgan qurilmadan bulutli xotiraga o‘ting. Huawei egalari telefon yo‘qolganda quyidagi amallarni tanlashlari mumkin:

• qurilmaga qo‘ng‘iroq qilish;

• bloklash va topib olganga xabar jo‘natish;

• barcha ma’lumotlar, shu jumladan xotira kartasidagi ma’lumotlarni ham o‘chirib tashlash.

Huawei xizmatining o‘ziga xos xususiyati – xotirani tozalagandan keyin ham, qurilmani kuzatish mumkinligidadir.

Xiaomi mobil telefonlari uchun

Ularni “Mi Account” yordamida topish mumkin. Buning uchun qurilmani aniqlash funksiyasini yoqing:

1. Sozlamalarda “Mi Account” – bog‘langan qurilmalarni tanlang.

2. Ro‘yxatdan kerakli telefonni toping.

3. “Qurilmani qidirish” tugmasini bosing.

4. Qidiruvni faollashtiring va agar xohlasangiz, quvvat kam bo‘lganda va o‘chirishdan oldin geopozitsiyani yoqing.

Xiaomi telefonini kuzatish uchun quyidagi amallarni bajaring: telefon nomini bosing va menyuni oching:

1. Qurilmaga qo‘ng‘iroq qilish.

2. Telefoningizni qulflash.

3. Telefon va xotira kartasidagi barcha ma’lumotlarni o‘chirib tashlash.

Samsung Galaxy mobil telefonlari uchun

Ularning ham o‘z qidiruv tizimi bor. Ushbu funksiyani faollashtirish uchun quyidagi amallarni bajaring:

1. Sozlamalarda “Biometriya va xavfsizlik”ni tanlang.

2. “Telefonni topish” bo‘limiga o‘ting.

3. “Yoqish” tugmasini bosing va tasdiqlash uchun “Samsung” akkaunt qaydnomangiz va parolni kiriting.

Ushbu menyuda qo‘shimcha imkoniyatlar ham mavjud: masofadan qulfdan chiqarish, so‘nggi manzilni yuborish va internetga ulanmagan telefonni topish uchun “oflayn qidirish”. Sizga to‘rtta harakat varianti taklif etiladi:

Qo‘ng‘iroq – telefon bir daqiqa davomida baland ovozda jiringlaydi.

Ekranni qulflash — smartfondan foydalanishni oldini oladi.

Ma’lumotlarni tozalash — barcha ma’lumotlarni ichki xotiradan va kartadan o‘chirib tashlaydi.

Qulfni ochish — agar siz PIN-kod yoki grafikli kalitni unutgan bo‘lsangiz, kirishni tiklash uchun, lekin telefonni qidirish uchun emas.

iPhone uchun 

iPhone’ni kuzatish uchun, qurilmada joylashuvni aniqlashni yoqishingiz kerak. Ehtimol, siz buni telefoningizni dastlabki sozlashda qilgansiz, chunki iPhone odatda bu variantni darhol taklif qiladi. Sozlamalarda “Locator”ni oching va “iPhone’ni topish”, agar xohlasangiz, “geopozitsiyani yuborish” xususiyatlarini faollashtiring, shunda yaqinlaringiz sizning joylashuvingizni ko‘rishlari mumkin. IOS 15 va undan yuqori versiyalarida iPhone o‘chirilgan holatda ham joylashuv ma’lumotlarini uzatishi mumkin.

Qurilmani qidirish uchun har qanday Apple qurilmasida yoki Android’dagi brauzer orqali “Locator” ilovasidan foydalanishingiz mumkin. Mavjud quyidagi xususiyatlarni ochish uchun qurilmangizni tanlang:

Ovoz chiqarish — telefon baland ovozda jiringlaydi.

IPhone’ni o‘chirish — qurilmadagi barcha ma‘lumotlarni o‘chirish.

Yo‘qotilgan rejim — qurilmani egasidan tashqari hamma uchun qulflab qo‘yish.

Agar sizda hisob qaydnomasiga kirish imkoni bo‘lmasa va ikki faktorli autentifikatsiya yoqilgan bo‘lsa, tasdiqlash kodini zaxira telefon raqamiga yoki qurilmangizga yuborish orqali kirishni tiklashingiz mumkin.     

Windows iPhone uchun

Windows iPhone qurilmasini qidirish uchun avval uning joylashuvini saqlashga ruxsat berishingiz kerak:

1. “Sozlamalar”ni oching va “Yangilash va xavfsizlik” bo‘limiga o‘ting.

2. “Telefon qidirish”ni tanlang.

3. “Qurilmamning joylashuvini vaqti-vaqti bilan saqlash” funksiyasini yoqing. Geopozitsiyani tez-tez uzatishni sozlash uchun xuddi shu ekrandan foydalaning.

Smartfonni boshqa qurilmadan qidirish uchun, sizga “Microsoft” akkaunt qaydnomasidan parol kerak bo‘ladi. Windows Phone ro‘yxatda paydo bo‘lsa, uchta standart xususiyat mavjud:

Qurilmaga qo‘ng‘iroq qilish.

Smartfonni bloklash va topib olganga xabar yuborish.

Qurilmadan barcha ma’lumotlarni o‘chirish. 

O‘rnatilgan funksiyalar ham yordam beradi

Agar smartfoningiz “Bluetooth” orqali qidirish xususiyatiga ega soat yoki fitness bilaguzukka ulangan bo‘lsa, uni shu tarzda topishga harakat qiling. Ushbu qurilmalar ba’zan ichki yo‘nalishni bir necha metr aniqlikda ko‘rsatishi mumkin.

Agar siz telefonni topishning barcha mumkin bo‘lgan usullarini sinab ko‘rib, lekin uni topmagan bo‘lsangiz, unda O‘zbekiston ichki ishlar organlariga murojaat qilishingiz mumkin. Faqat siz, albatta, smartfoningizning IMEI’ni bilishingiz kerak bo‘ladi. Bizda O‘zbekistonda telefonni qanday ro‘yxatdan o‘tkazish haqida yozilgan tayyor maqola ham bor.