Snup Dogg itlar bilan “Maymunlar sayyorasi”ning qayta ishlangan variantini tayyorlamoqda
Rep ijrochisi Snup Dogg yangi loyiha ustida ishlamoqda. Bu “Maymunlar sayyorasi”ning qayta ishlangan varianti boʻladi, biroq ekranda primatlar oʻrniga itlar paydo boʻladi.
“Syujetni oshkor qila olmayman, lekin gʻoyani aytishim mumkin. ”Maymunlar sayyorasi“ni yaxshi koʻraman. Ular keyingi filmning chiqishini juda uzoq kutishga majbur qildi meni.
Sizlarni kuttirib qoʻymaslik uchun shunga oʻxshash bir narsa yaratmoqchiman. Lekin tasavvur qiling, bu safar maymunlar emas, itlar boʻladi” ,— dedi Snup Variety nashriga bergan intervyusida.
Reper loyiha tafsilotlarini aniqlashtirmadi. “Maymunlar sayyorasi” Per Bulning shu nomdagi romani (1963) asosida yaratilgan. Mashhur filmlardan birini Tim Berton 2001-yilda suratga olgan.
2011-yilda “Sayyora” qayta ishga tushirildi: Endi Serkis ishtirokidagi trilogiya jahon boʻylab 1,67 milliard dollar yigʻdi. Franshizaning soʻnggi filmi “Yangi saltanat” bahorda namoyish etildi va prokat daromadi taxminan 400 million dollarni tashkil etdi.
