Tom Kruz “Momaqaldiroq kunlari” filmining davomida suratga tushishni rejalashtirmoqda
“Uddalab boʻlmas topshiriq” yulduzi Tom Kruz 1990-yilgi “Momaqaldiroq kunlari” poyga dramasining davomida ishtirok etish boʻyicha muzokaralar olib bormoqda. Bu haqda The Hollywood Reporter xabar berdi.
Kinolarni bepul ko‘rish imkoniyati!
Loyiha ustida Paramount Pictures ishlayapti. Ilgari studiya “Kunlar” asosida serial suratga olishni rejalashtirgan edi, ammo Kruz bu gʻoyadan voz kechdi. Ichki manbalarning aytishicha, aktyor “Topshiriq” va “Top Gan: Maverik” filmlarining kassa muvaffaqiyatlari tufayli davom qismiga ishonch bildirmoqda.
Asl “Momaqaldiroq kunlari” filmi NASCARʼning eng istiqbolli yangi poygachisi Koul Trikl (Kruz) haqida hikoya qiladi. Filmda keyinchalik Kruzning rafiqasiga aylangan Nikol Kidman ham rol ijro etgan. Tasma Toni Skott tomonidan rejissyorlik qilingan.
Hozirda Kruz Alexandro Gonzales Injarrituga tegishli yangi nomsiz filmni suratga olishga tayyorgarlik koʻrmoqda. 2025-yil bahorida u bilan “Uddalab boʻlmas topshiriq” ning sakkizinchi qismi ekranlarga chiqadi.
O‘xshash mavzular
