Toshkent viloyatida doimiy ishlaydigan “Yoshlar sayilgohi” barpo etiladi
Toshkent viloyatining Qibray tumanida 24/7 rejimida faoliyat yuritadigan “Yoshlar sayilgohi” tashkil etiladi. Majmua hududida kovorking markazi, karaoke-klub, kiber sportchilar klubi, shuningdek, savdo, sayyohlik, madaniy va koʻngilochar inshootlar qurilishi rejalashtirilmoqda.
Kinolarni bepul ko‘rish imkoniyati!
Toshkent viloyati hokimligi matbuot xizmati xabar berishicha, Qibray tumanida yaqin kunlarda 24/7 rejimida ishlaydigan “Yoshlar sayilgohi” barpo etiladi.
1,36 milliard soʻmlik loyiha “Tashabbusli byudjet — 2024” ikkinchi mavsumining gʻolibi boʻldi. Uni amalga oshirish uchun “Sohibkor” mahallasi hududidan 0,6 gektar yer maydoni ajratib berildi.
Majmua hududida kovorking markazi, karaoke-klub, kiber sportchilar klubi, shuningdek, savdo, sayyohlik, madaniy va koʻngilochar inshootlar qurilishi rejalashtirilmoqda. Yoshlar loyihasida ishlash uchun mingga yaqin yosh kadrlarni jalb etish koʻzda tutilmoqda.
O‘xshash mavzular
