Toshkentda non festivali oʻtkaziladi

12-noyabr kuni poytaxtda non festivali boʻlib oʻtadi. Tadbir davomida tashrif buyuruvchilar turli xil yuzlab non turlari bilan tanishishlari va ularning har birini tatib koʻrishlari mumkin boʻladi. Festivalda har kim bepul ishtirok etishi mumkin.

Festival davomida quyidagilar boʻladi:

• turli millat va hududlarga xos yuzlab nonlar: hududiy nonlardan tortib to anʼanaviy nonlargacha, bugʻdoyli nonlardan tortib to kepakli nonlargacha;
• mehmonlar uchun tatib koʻrish imkoniyati: har bir ishtirokchi oʻziga yoqadigan nonni tanlab, tatib koʻrishi mumkin;
• musiqa va koʻngilochar dasturlar: bayram ruhini yanada koʻtarish uchun maxsus musiqalar, milliy oʻyinlar va har bir sinf tomonidan tayyorlangan oʻyinlar;
• mahorat darslari — non hamirini tayyorlashdan tortib to pishirishgacha;
• xayriya auksioni. Eng yaxshi baholangan va oʻquvchilar oʻzlari tayyorlagan nonlari ota-onalar oʻrtasida auksionga qoʻyiladi. Barcha toʻplangan pullar “Chinor gʻazna” xayriya tashkiloti bilan hamkorlikda bolalar uyi uchun sarflanadi.

Festivalning eng asosiy qismi — “Non ulashish paradi” boʻlib, unda asosiy ishtirokchilar maktabdan to katta yoʻl boʻylab parad shaklida milliy kiyimlar va maktab bayroqlari bilan nonlarni istalgan insonlarga ulashishadi.