31.07.2024
Windows 11ʼda yashirin funksiya paydo boʻldi
Endi ishlamasdan muzlab qolgan dasturni yopish uchun bir qancha amallarni bajarish shart emas.
Muallif
Mahkamov Humoyun
Endi Windows 11 operatsion tizimida sichqonchaning oʻng tugmasini bosish yordamida qotib qolgan dasturlarni yopib qoʻyish mumkin.
Buning uchun “Vazifalar dispetcheri” tugmasini bosish shart emas. Yangi funksiyani faollashtirish uchun quyidagi amallarni bajarish kerak.
- Windows sozlamalarini ochish;
- Tizim boʻlimiga oʻtish;
- Ishlab chiqaruvchilar uchun punktini tanlash;
- “Ishni tugatish” topshirigʻini faollashtirish.
Shundan soʻng agar biror bir dastur ishlamay qolsa, siz shunchaki vazifalar panelidagi belgining ustiga oʻng tugmani bosib, “Ishni tugatish” buyrugʻini tanlashingiz kerak.
