Xonanda Dilnoz turmushga chiqmoqda
Uning aytishicha, boʻlajak turmush oʻrtogʻi sanʼat sohasiga aloqador emas. Rasmda biroz soch va qoshi koʻrinib qolgan ekan, darrov taxminlar kela boshladi, deb kuladi xonanda.
18-19-sentyabr kunlari xonanda Dilnoz Hakimova ilk yakkaxon konsert dasturini muxlislar eʼtiboriga havola qiladi. U 6 yillik ijodi davomidagi eng sara qoʻshiqlari qatorida rang-barang duetlar ham vaʼda qilgan.
Uning aytishicha, konsertda Shohruxxon bilan duet taqdim etiladi. Koʻpchilikning koʻnglidan joy olgan, Konsta bilan birgalikda kuylagan “U haqida” qoʻshigʻini, Mirjalol Neʼmatov bilan ham yangi duet tayyorlangan.
“Juda tez boʻlib ketdi, bir yarim oy ichida tayyorgarlik koʻrildi. Toʻgʻri, bu qisqa muddat, lekin jamoamiz ahil, hamma qoʻlidan kelgan yordamini ayamayapti. Xudoga shukr, chiptalar ham sotilgan”, — deydi qoʻshiqchi.
Dilnoz turmushga chiqayotganini maʼlum qildi. Uning aytishicha, boʻlajak turmush oʻrtogʻi sanʼat sohasiga aloqador emas. Rasmda biroz soch va qoshi koʻrinib qolgan ekan, darrov taxminlar kela boshladi, deb kuladi xonanda.
