20.03.2025
(yangilandi 20.03.2025)
5 grammlik oltin quyma narxi ilk bor 6,5 mln so‘mga yaqinlashdi
Muallif
Shohzamon Shuhratov
Qimmatbaho metallning jahon kotirovkalari birinchi marta troya unsiyasi uchun 3050 dollarni tashkil qildi.
Kino va seriallarni 7 kun bepul tomosha qiling
20-mart kuni o‘lchovli oltin quymalarning narxi yangi rekord ko‘rsatkichga yetdi. Bu haqda Markaziy bank xabar berdi.
1 gramm oltin 1 mln 299 ming 670 so‘mga baholanmoqda. 5 grammlik o‘lchovli quyma 6 mln 498 ming so‘mdan sotilmoqda.
Regulyator tomonidan oltin quymalari bo‘yicha taqdim qilingan ma’lumotga ko‘ra:
- 5 gramm o‘lchovli oltin quyma narxi 6 mln 498 ming so‘m;
- 10 gramm oltin quyma narxi 12 mln 997 ming som;
- 20 gramm oltin quyma narxi 25 mln 993 ming so‘m;
- 50 gramm oltin quyma narxi 64 mln 983 ming so‘m;
- 100 gramm oltin quyma narxi 129 mln 967 ming so‘mni tashkil qiladi.
17-mart kuni oltinning jahon kotirovkalari troya unsiyasi uchun 3050 dollarga yaqinlashgandi.
O‘xshash mavzular
