Bloger Yunetta Akopyan serialda suratga tushayotganini maʼlum qildi
Bloger Yunetta Akopyan “Anora” deb nomlangan serialda rol ijro etmoqda. Bu haqda “Daryo” xabar berdi.
Ijodkor 7-oktyabr kuni “Xalqlar doʻstligi” sanʼat saroyida boʻlib oʻtgan “Zamin yulduzlari” tadbirida ishtirok etgan.
Uning taʼkidlashicha, ijod borasida yangiliklari bor. Bu ikkita yangi qoʻshiq premyera qilinishi rejalashtirilgan.
“Serialda ham rol ijro etyapman, hozir suratga olish ishlari bilan bandman. Yil yakuniga qadar eʼtiborimni koʻproq musiqaga qarataman”, dedi bloger.
Maʼlumot oʻrnida, Yunetta 24-sentyabr kuni “Dardim” deb nomlangan birinchi qoʻshigʻini eʼlon qilgandi. Trek qisqa vaqt ichida qariyb 10 million marta tinglandi.
U Yandex Music hit-paradida kuchli oʻnlikka kirdi, hozirda 13-oʻrinda bormoqda. Tarona Akopyanning sobiq sevgilisi bloger Timur Alixonovga bagʻishlangani aytiladi.
