Braziliya politsiyasi Ledi Gaganing Riodagi konsertida teraktning oldini oldi
Huquq-tartibot idoralari guruhning taxminiy rahbari va voyaga yetmagan ishtirokchilardan birini hibsga oldi.
Kinolarni bepul ko‘rish imkoniyati!
Rio-de-Janeyro politsiyasi Kopakabana plyajida Ledi Gaganing bepul konsertida radikallar rejalashtirgan teraktning oldi olinganini ma’lum qildi.
Tergov ma’lumotlariga ko‘ra, gomofobik mafkuraga ega ekstremistik guruh o‘smirlarni qo‘lbola bombalar va Molotov kokteyllari yordamida hujum qilish uchun yollashga uringan. Yollash xonandaning Little Monsters fan-klubi niqobi ostida internet orqali amalga oshirildi.
Politsiya guruhning taxminiy yetakchisi va voyaga yetmagan ishtirokchilardan birini hibsga oldi. Konsert kuni politsiya tekshiruv zonalarida 200 dan ortiq xavfli buyumlarni musodara qildi.
Gaganing Mayhem albomining promo-turida bo‘lib o‘tgan shousiga 2 milliondan ortiq odam yig‘ildi. Artist Braziliya madaniyati va futbolidan ilhomlangan liboslarda sahnaga chiqdi.
O‘xshash mavzular
