Time dunyoning eng nufuzli 100 kishisi roʻyxatini eʼlon qildi
Raqam muqovasida aktrisa Demi Mur, reper Snoop Dogg, tennischi Serena Uilyams va boshqalar joylashtirilgan.
O‘xshash mavzular
19.04.2025
Amerikaning Time jurnali 2025-yilda dunyoning eng nufuzli 100 kishisi roʻyxatini eʼlon qildi.
Raqam muqovasida aktrisa Demi Mur, reper Snoop Dogg, tennischi Serena Uilyams, qoʻshiqchi Ed Shiran va DeepMind sunʼiy intellekt asoschisi Demis Xassabis joylashtirilgan.
Roʻyxatga AQSH prezidenti Donald Tramp va uning maʼmuriyatining olti aʼzosi kiritilgan: vitse-prezident Jey Di Vens, samaradorlik departamenti (DOGE) rahbari Ilon Mask, sogʻliqni saqlash vaziri kichik Robert Kennedi, savdo vaziri Govard Lyutnik va maʼmuriy-budjet boshqarmasi direktori Rassel Vout.
“Yetakchilar” toifasiga Buyuk Britaniya bosh vaziri Kir Starmer, Germaniyaning boʻlajak kansleri Fridrix Mers, Suriya yetakchisi Ahmad ash-Sharʼa, Argentina yetakchisi Xaver Miley va Meksika yetakchisi Klaudiya Sheynbaum kiritilgan.
Eng nufuzli “Artistlar” qatoriga aktyorlar Adam Skott, Skarlett Yoxansson, Kristen Bell kiradi.
“Titanlar” orasida Meta asoschisi Mark Sukerberg, Prada modalar uyi aksiyadori Miuchchi Prada va gimnastikachi Simona Baylz ham bor.
- “Novatorlar” roʻyxatiga astronom Vendi Fridman, rassom Mikaleyn Tomas va oshpaz Kvame Onvuachi kiritilgan.
- “Ikona” orasida aktyor Edriyen Broudi, yozuvchi Rakel Uillis va faol Fatu Balde bor.
- “Pionerlar” orasida qoʻshiqchi Roze, huquqshunos Kordeliya Ber va DeepSeek rahbari Lyan Venfen bor.
O‘xshash mavzular
