Bunday Toshkentni hali ko‘rmagansiz! “Streetstyle” fotosuratchisining oq-qora suratlari

Velosiped mingan bola Dzerjinskiy haykali yonida

Eslasangiz, yonida KGB binosi joylashgan edi. Haykal endi “tirik” emas, binoning o‘zi esa allaqachon maxfiy tashkilotga tegishli emas va hatto auksionga qo‘yilgan.

Lenin maydonidagi kechki sayrlar

Yoz, favvoralar va “sayrga chiqqan” shaharliklar. Go‘yo hech narsa o‘zgarmagandek, faqat endi Toshkentni bunday rakursda suratga olish qiyin – maydonning bu qismiga kirish hukumat tomonidan yopib qo‘yilgan.

“Zarafshon” restorani

Yoki aniqrog‘i, uning interyerlari. Qiziqarli fakt: bino arxitekturasi va dizayni, shu jumladan freskalari allaqachon yo‘qolgan, restoranning o‘zi esa xaritada yo‘q. O‘rnida esa hozirda kafelar va do‘konlar faoliyat yuritmoqda.

Tanaffusga chiqqan maktab qizlari

O‘sha mashhur sovetcha muzqaymoq bilan, ta’mi hozirgacha buvilarimiz va ota-onalarimiz tushlariga kiradi. Aytishlaricha, bunday plombirni endi qayta tayyorlab bo‘lmas emish!

Soatsoz ish ustida

Eng qiziqarli, murakkab va “vaybli” kasblardan biri vakili. Ishonamizki, bu kadrni uning nevaralari yoki evaralari ko‘radi va oilaviy arxivga saqlab qo‘yadi.

Shoirlar xiyoboni, Navoiy ko‘chasi

Afsuski, Alisher Navoiy ko‘chasidagi mashhur yozuvchilarning byustlari yo‘qolgan. Nega ularni olib tashlashdi, nega bir qismini boshqa tumanlarga ko‘chirib qo‘yishgani – hanuzgacha sirligicha qolmoqda.

Agar o‘sha davrning yana ko‘proq suratlarini ko‘rmoqchi bo‘lsangiz, yozgi Toshkentning rangli kadrlar to‘plamiga nazar tashlang. Ular ham o‘tmishga bo‘lgan nostalgiya bilan to‘la, ammo butunlay boshqa burchakdan! Bularning barchasi TR jamoasi ixlosmandlari to‘plamidan tayyorlangan.